वडा अध्यक्षले नै तालागाड लघु जलबिद्युत आयोजना भत्काउन लगाएको आरोप

धनराज साउँद २०७७ भदौ ११, बिहीबार २१:५७

जिल्लाको पञ्चदेवल बिनायक नगरपालिका वडा नम्वर ५ लयाँटिमा रहेको तालागाड लघु जलबिद्युत आयोजना अवरुद्ध भएको छ ।

बेला बेलामा अवरुद्ध हुदै आएको जलबिद्युत आयोजना मंगलवारदेखी अवरुद्ध भएको हो ।

बिगतमा प्राविधिक कारणबस अवरुद्ध आएको योजना यस पटक भने बिद्युत आयोजनाको कुलो ,पाईप लगायतका सामाग्री केहि व्यक्तिको संलग्नतामा भत्काईएपछि अवरुद्ध भएको बताईएको छ ।

बिद्युत आयोजनाका लेखापाल गणेश बहादुर शाहिका अनुसार वडाका केहि अगुवाको संलग्नता मै उक्त आयोजनाको नहर,पाईप लगायत भत्काउनुका साथै खोलामा बगाईएको हो ।

यता नेपाल कम्युनिष्ट पार्टि (नेकपा) अछामका जिल्ला पार्टि कार्यालय सचिव नमराज न्यौपानले भने वडा अध्यक्षकै निर्देशनमा लघु जलबिद्युत आयोजनाको नगर,पाईप भत्काईएको र बगाईएको दावी गर्नु भएको छ ।

सामाजीक संजाल फेसवुकमा स्टाटस लेख्दै नेता तथा कार्यालय सचिव न्यौपानले जलबिद्युत आयोजनाको नगर र पाईप वडा अध्यक्षकै निर्देशनमा भत्काईएको दावी गर्नु भएको हो ।

न्यौपानेले पञ्चदेवल बिनायक नगरपालिकाका बिकास निर्माण र जनप्रतिनिधिको भुमिका बिषयमा चासो सहित लघु जलबिद्युत आयोजनाको नगर भत्काईएको बिषयमा लेखेका छन : वडाध्यक्षले संचालनमा रहेको विद्युतको कुलो भत्काउन निर्देशन दिएर कुलोको पाइप खोलामा बगाइदिए र नगरलाइ अन्धकार बनाइदिए

नेपाल कम्युनिष्ट पार्टि (नेकपा) अछामका जिल्ला पार्टि कार्यालय सचिव नमराज न्यौपानको स्टाटस

पटक पटक अवरुद्ध हुदै आएको आयोजना सुनुयोजीत ढंगवाट भत्काईएका बिषयमा लघु जलबिद्युत आयोजना समितिले एक बिज्ञप्ती जारी गरि पञ्चदेवल नगरपालिकाको ध्यानाकर्षण गराएको छ ।

बिद्युत सेवा अवरुद्ध भएसंगै बिनायक बजारका सरकारी तथा गैरसरकारी कार्यालय लगायत स्थानीयको जनजीवन प्रभावित बनेको छ ।

क्याटेगोरी : अर्थ खबर, मुख्य समाचार, समाचार, स्थानीय, हेडलाईन