पल र पूजाका लागि किन गरियो हेलिकप्टर चार्टर ?
भदौबाट छायांकनमा जान लागेको सिनेमा म यस्तो गीत गाउँछु २ को घोषणा भएसँगै यसको चर्चा बढेको छ । अझ, फिल्ममा मुख्य कलाकार पल शाह र पूजा शर्मा नै हुने भएपछि दर्शकमा कौतुहलता बढेको छ ।
सिनेमा म यस्तो गीत गाउँछु २ को घोषणा गर्ने कार्यक्रममा अभिनेता र अभिनेत्रीका लागि हेलिकप्टर नै चार्टर गरिएको थियो । सिनेमाको निर्माण टिमले यति धेरै खर्च गरेर पल र पूजालाई काठमाण्डौबाट मनकामना पुर्याएको थियो । यसका लागि १ लाख ३० हजार भन्दा बढी खर्च गरिएको थियो । हेलिकप्टर चार्टर आफैमा एउटा प्रचारको माध्यम पनि थियो ।
अर्कोतिर, यो सिनेमाको मुहुर्तमा कलाकार मात्र सहभागी हुन बाँकी रहेकाले पनि उनीहरुलाई हेलिकप्टरमा लगिएको हो । भदौबाट छायांकन सुरु हुने यो सिनेमालाई फागूण २३ गते रिलिज गरिनेछ ।
