विश्वकै पहिलो घटना- एक महिलाले नौ जना शिशुलाई जन्म दिइन्
अफ्रिकी मुलुक मालीकी एक आमाले मोरक्कोको एक क्लिनिकमा एकै पटक नौ जना शिशुलाई जन्म दिएकी छिन् । मालीका स्वास्थ्य मन्त्री र मोरक्कोको क्लिनिकले नौ जना शिशु जन्मिएको बताएका छन् ।
कुनै महिलाले एकै पटक नौ जना शिशुलाई जन्म दिएको सम्भवत यो विश्वकै पहिलो घटना हो । मोरक्कोको क्लिनिकका अनुसार सबै नौ जना शिशुको स्वास्थ्य अवस्था सामान्य छ ।
जन्मिएका शिशुहरुमा पाँच बालिका र चार बालक छन् । मालीका स्वास्थ्य मन्त्रीले आमाको स्वास्थ्य पनि सामान्य रहेको जनाएको छ ।
पच्चीस वर्षीया आमा हालिमा सिस्सेले मङ्गलबार मोरक्कोको क्लिनिकमा सिजेरियन विधिबाट ती शिशुलाई जन्म दिएकी थिइन् । मालीका स्वास्थ्य अधिकारीहरुले ती आमाको स्वास्थ्यस्थितिलाई विचार गरी माली पठाइएको जनाएका छन् ।
जन्मिएका शिशुहरुको तौल ५०० ग्रामदेखि एक किलोग्राम सम्मका रहेको क्लिनिकले जनाएको छ । तीस हप्ताको गर्भपछि यी शिशुहरु अपरिपक्व अवस्थामा जन्मिएका हुन् । धेरै रगत बगेर आमाको स्वास्थ्यमा जोखिम देखिन थालेपछि चिकित्सकहरुले सिजेरियन विधिबाट बच्चा निकालेका थिए ।
गिनिस बुक अफ वल्र्ड रेकर्ड्समा कुनै पनि आमाले ८ जनासम्म जीवित सन्तान जन्माएको पाइएको छ । सन् २००९ मा अमेरिकी आमा नादया सुलेमानले आठ बच्चालाई जन्म दिएकी थिइन् ।
क्याटेगोरी : अन्तर्राष्ट्रिय, जीवन शैली
थप समाचार
धेरै पढिएका
ताजा अपडेट
- १ विषाक्त मदिरा सेवनबाट सर्लाहीमा आठ जनाको मृत्यु
- २ अछाममा २ दिन देखि निरन्तर वर्षा, सतर्कता अपनाउन प्रशासनको आग्रह
- ३ सरस्वती मावि जयगढको भवनको पिलर बाङ्गो : इन्जिनियर भन्छन् फेसबुकमा देखेपछि चाल पायौँ
- ४ जयगढ प्रहरी चौकीलाई स्वास्थ्य सामाग्री सहयोग
- ५ बान्नीगढीमा प्राविधिक इस्टमेट विपरीत बिद्यालयको भवन निर्माण : निर्माण कार्य स्थगित
- ६ अछाममा जारी निषेधाज्ञा थप ७ दिन लम्बियो
- ७ अछाममा आइतबार ३६ जनामा कोरोना संक्रमण पुष्टी
- ८ एमाले अछामले दियाे नगरपालिकालाई स्वास्थ्य सुरक्षा सामग्री
प्रतिक्रिया दिनुहोस