Techie IT

अमेरिकाको टेक्सासमा आप्रवासी चढेको भ्यान दुर्घटना हुँदा १० जनाको ज्यान गयो


अमेरिकाको टेक्सासमा आप्रवासी चढेको भ्यान दुर्घटना हुँदा कम्तीमा १० जनाको ज्यान गएको छ । दुर्घटनामा अन्य २० जना घाइते भएका छन् ।

मेक्सिकोबाट सीमा पार गरेर आएका गैरकानुनी आप्रवासी चढेको भ्यान तीव्र गतिका कारण टेक्सासको एक घुम्तीमा विद्युतीय पोलमा ठोक्किएको बीबीसीले जनाएको छ ।

१५ जना यात्रु बोक्ने भ्यानमा ३० जना चढेका थिए । घाइतेमध्ये केहीको अवस्था गम्भीर रहेको खबरमा उल्लेख छ । मेक्सिकोबाट गैरकानुनी बाटो हुँदै आउने शरणार्थी विभिन्न दुर्घटनामा पर्ने गरेका छन् ।

गएको मार्चमा पनि मेक्सिकोबाट आएका अवैध आप्रवासी चढेको एउटा भ्यानलाई ट्रकले ठक्कर दिँदा १३ जनाको ज्यान गएको थियो ।


क्याटेगोरी : अन्तर्राष्ट्रिय, समाचार

थापा रेडियो बान्नीगढीका प्राविधिक प्रमुख हुन् । उनले बान्नीगढी टुडेमा समसामयीक बिषयमा कलम चलाउछन्

प्रतिक्रिया दिनुहोस