अफगानिस्तानमा महिलाहरुको प्रदर्शन रोक्न तालिबानद्वारा अश्रुग्यास प्रहार
सरकारमा सहभागी हुन पाउने माग गर्दै अफगानिस्तानमा महिलाहरुले प्रदर्शन गरेका छन् ।
प्रदर्शनलाई रोक्नका लागि तालिबानले अश्रुग्यास र खुर्सानीको धुलोको स्प्रे बनाएर प्रहार गरेका छन् । प्रदर्शन नियन्त्रण भन्दा बाहिर गएकाले यस्तो गर्नुपरेको तालिबानले बताएको बीबीसीले जनाएको छ ।
कामको लागि समान अधिकार र सरकारमा सहभागी हुन पाउनु पर्ने माग गर्दै तालिबानी शासनको त्रासबीच नै महिलाहरुले प्रदर्शन गरेका हुन् ।
उनीहरुले राष्ट्रपति भवन अगाडि प्रदर्शन गरेका हुन् । अब बन्ने मन्त्रिपरिषदमा महिलालाई पनि सामेल गराउन आग्रह गरेको पर्चा बोकेर उनीहरुले प्रदर्शन गरेका थिए ।
अफगानिस्तानमा तालिबानले कब्जा गरेसँगै संसारभरबाट त्यहाँका महिला र बालबालिकाको अवस्थाबारे चिन्ता व्यक्त गरिरहेकै समयमा त्यहाँका केही महिलाले प्रदर्शन गर्ने आँट गरेका हुन् । बीस वर्ष अगाडिको तालिबानी शासनमा महिलामाथि गरिएको बर्बर अत्याचारको त्रासमा परेका महिलाहरुले यस पटक त्यस्तो नहोस् भनिरहेका छन् ।
त्यसबेला सबै महिलाले पूरै शरीर ढाक्ने बुर्का अनिवार्य लगाउनुपर्नेदेखि दश वर्षमाथिका बालिकालाई विद्यालय जानसमेत रोक लगाइएको थियो ।
क्याटेगोरी : अन्तर्राष्ट्रिय
थप समाचार
धेरै पढिएका
ताजा अपडेट
- १ सुदूरपश्चिमको अर्थमन्त्रीमा तामाङ र राज्यमन्त्रीमा बोहरा नियुक्त
- २ मोजाविना नै जुत्ता लगाउने बानी छ ? अनेकौँ समस्या हुन सक्छ
- ३ आजदेखि तीन दिनसम्म सातौँ संविधान दिवस मनाइँदै
- ४ प्रदेस सभा (ख) को सचिब मा युवा नेता उमेश कुमार बोहोराको उम्मेद्बारी घोषणा
- ५ सुदूरपश्चिमको पहिलो औद्योगिक ग्रामको रूपमा मेल्लेखमा ग्राम उद्योगको उद्घाटन
- ६ संसद खुलाउन सत्तापक्षले भूमिका खेल्नुपर्ने : एमाले उपाध्यक्ष रावल
- ७ नेपाल–चीन सीमा अध्ययन टोली हिल्सा पुग्यो
- ८ इटलीमा कर्मचारीहरुका लागि हरियो पास अनिवार्य गरिने
प्रतिक्रिया दिनुहोस