Techie IT

पाकिस्तानी परमाणु बमका पिता भनेर चिनिने एक्यू खानको निधन


पाकिस्तानी परमाणु बमका पिता मानिने डा. अब्दुल कादिर खानको ८५ वर्षको उमेरमा निधन भएको छ ।

कोरोना भए पछि अस्पताल भर्ना भएका खानको उपचारको क्रममा निधन भएको बीबीसीले जनाएको छ । पाकिस्तानलाई परमाणु हतियार भएको विश्वको पहिलो इस्लामिक देश बनाउन गरेको योगदानका लागि उहाँलाई राष्ट्रिय नायक मानिन्छ ।

तर उहाँमाथि उत्तर कोरिया र इरानलाई परमाणु हतियारका गोप्य जानकारी दिएको आरोप पनि लाग्ने गरेको छ । प्रधानमन्त्री इमरान खानले पाकिस्तानले राष्ट्रिय विभूति गुमाएको बताउनुभएको छ ।

एक्यू खानका नामले चिनिने उहाँले इस्लामाबादनजिकै कहुटामा पाकिस्तानको पहिलो परमाणु केन्द्र स्थापना गर्न प्रमुख भूमिका खेल्नुभएको थियो । सन् १९९८ मा पाकिस्तानले पहिलो परमाणु परीक्षण गरेको थियो ।

सन् २००४ मा उहाँलाई इरान, लिबिया र उत्तर कोरियालाई गैरकानुनी रूपमा परमाणु प्रविधिबारे जानकारी दिएको आरोपमा पक्राउ समेत गरिएको थियो ।


क्याटेगोरी : अन्तर्राष्ट्रिय, समाचार

थापा रेडियो बान्नीगढीका प्राविधिक प्रमुख हुन् । उनले बान्नीगढी टुडेमा समसामयीक बिषयमा कलम चलाउछन्

प्रतिक्रिया दिनुहोस