Techie IT

कमलबजार प्रयोगशालामा गरिएको परीक्षणमा ७ जनामा कोरोना सङ्क्रमण


जिल्लाको कमलबजार नगरपालिका अन्तर्गत प्राथमिक स्वास्थ्य केन्द्रमा सञ्चालित पिसिआर परीक्षण प्रयोगशालामा बुधवार थप ७ जनामा कोरोना सङ्क्रमण देखिएको छ । एक महिला र ६ पुरुष गरी ७ जनामा कोरोना सङ्क्रमण देखिएको प्रयोगशालाले जनाएको छ ।

जिल्लाको बान्नगीढी जयगढ गाउँपालिका मार्फत स्वाब सङ्कलन गरी पटाइएकोमा शुक्लाफाटा नगरपालिका वडा नं। ११ का ३३ वर्षीय पुरुष, मंगलनेसन नगरपालिका वडा नं। १४ का २८ वर्षीय पुरुष र साँफेबगर नगरपालिका वडा नं। ८ का ३८ वर्षीय पुरुष रहेका छन् ।

यस्तै बुढीगंगा नगरपालिका बाजुरा मार्फत स्वाब सङ्कलन गरी पटाइएका ४ जनामा समेत कोरोना देखिएको छ । त्रिवेणी नगरपालिका बाजुराका वडा नं। १ का २८ वर्षीय पुरुष र ३० वर्षीय महिलामा कोरोना देखिएको हो ।

यस्तै नवदुर्गा गाउँपालिका वडा नंं। ५ डडेलधुराका २८ वर्षीय पुरुष र बुढीगंगा नगरपालिका वडा नं। ३ का ६० वर्षीय पुरुषमा समेत कोरोनाको सङ्क्रमण पुष्टि भएको छ ।

बुधवार जम्मा ४३ जनाको परीक्षण गरिएकोमा ७ जनामा कोरोना भाइरस कोभिड १९ को सङ्क्रमण पुष्टि भएको कमलबजार पिसिआर परीक्षण प्रयोगशालाका सूचना अधिकारी टेक बहादुर विष्टले बताए ।

सूचना अधिकारी बिस्टका अनुसार कलबजार प्रयोगशालामा हालसम्म १८ सय ५४ जनाको कोरोना परीक्षण गरिएकोमा १ सय १४ जनामा सङ्क्रमण देखिएको छ । यस्तै पुन परीक्षण गरिएका ४२ जना मध्ये १५ जनाको दोस्रो पटक समेत पोजेटिभ देखिएको छ ।


क्याटेगोरी : स्थानीय, स्वास्थ्य, हेडलाईन

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

प्रतिक्रिया दिनुहोस