बिवाह गरेको १० दिन नपुग्दै किशोरीको मृत्यु

अछामको षोडशादेवि मावि मंगलसैनमा कक्षा ९ मा अध्ययनरत किशोरीको खोलाले बगाएर ज्यान गएको छ ।

अछामको तुर्माखाँद गाउँपालिका वडा नम्बर ५ नाडाकी १७ बर्षीया किशोरी रमिता शाहको आईतबार साँझ नुहाएर फर्किने क्रममा चिप्लएर खोलामा खस्दा खोलाले बगाएर ज्यान गएको हो ।
दैलेखको चामुण्डा बिन्द्रासैनी ३ मा यही जेठ ९ गते भागी बिबाह गरेर गएकी रमिताको स्थानीय भौरेखोलामा नुहाएर फर्किने क्रममा चिप्लिएर ज्यान गएको दैलेख प्रहरीले जनाएको छ ।

पहिलो पटक त्यस ठाउँमा गएकी र दुई खोलाको दोभानमा तल गहिरो दहमा खसेर ज्यान गएको उनका बुवा दिलबहादुर शाहीले बताउनु भयो । आफ्नो विद्यालयमा अध्ययनरत छात्राको खोलाले बगाएर ज्यान गएको खबर आएपछि आज मौनधारण गरी विद्यालय विदा गरेर श्रद्धाञ्जली अपर्ण गरिएको षोडशादेवि माविका प्रधानाध्यापक देबेन्द्र दुब्बेले बताउनु भयो ।

घटनाक्षेत्र अन्य जिल्ला भएकाले यसबारे आफुलाई जानकारी नआएको अछाम प्रहरीले जनाएको छ । १० कक्षा अध्ययन गर्दै गरेकी छोरीको ज्यान गएपछि परिवारमा ठुलो पीडा भएको रमिताकी आमा लक्ष्मीको भनाई छ । १० कक्षामा अध्ययन गर्दै गरेकी उनको श्रीमानको घर गएको १० दिन नपुग्दै ज्यान गएको हो ।

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker