ट्रकभित्रै महिला बलात्कार

 

ट्रकभित्रै महिलालाई जबरजस्ती करणी गरेको आरोपमा चालक र सहचालक पक्राउ परेका छन्।

पक्राउ पर्नेमा मोरङको उर्लाबारी नगरपालिका ३ सूर्यचोकका ३१ वर्षीय विमल ढकाल र सोही ठाउँका ३२ वर्षीय गोपाल भण्डारी रहेका छन्।

नवलपरासीबाट दमौलीसम्म आउँदै गरेको ना क ४३४९ नम्बरको ट्रक चालक ढकाल र सहचालक भण्डारीले एक महिलालाई ट्रकभित्रै जबरजस्ती करणी गरेको आरोपमा पक्राउ गरिएको जिल्ला प्रहरी कार्यालय तनहुँका प्रहरी नायव उपरीक्षक लिलाराज लामिछानेले जानकारी दिए। उनका अनुसार ती महिलालाई नवलपुरस्थित डण्डाबाट लिफ्ट दिई पृथ्वी राजमार्गअन्तर्गत तनहुँको व्यास नगरपालिका–१२ छिर्कनेको सडक किनारामा ट्रक रोकी जबरजस्ती करणी गरेको आरोप लागेको छ।

पीडित महिलाले छिर्कनेमा ट्रकभित्रै जबरजस्ती करणी गरेको प्रदेश प्रहरी कार्यालयबाट प्राप्त सूचनाअनुरुप उक्त ट्रक र वारदातमा संलग्न चालक र सहचालकलाई पक्राउ गरिएको उनले बताए।

उनका अनुसार उनीहरूलाई व्यास नगरपालिका–३ वनवाटिका चौरनजिक छड अनलोड गर्दै गरेको अवस्थामा मुलुकी फौजदारी कार्यविधि संहिता २०७६ को दफा ९९१० बमोजिम पक्राउ गरिएको हो। पीडित र पीडकको स्वास्थ्य परीक्षण गराई जबरजस्ती करणी मुद्दामा शुक्रबारै तनहुँ जिल्ला अदालतबाट म्याद थप अनुमति लिई अनुसन्धान भइरहेको जिल्ला प्रहरी कार्यालय तनहुँले जनाएको छ।

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker