अछामका न्यायिक समितिहरु निस्क्रिय ( यसो भन्छन न्यायिक समिती संयोजक )

अछामका न्यायिक समितीहरु निस्क्रिय देखिएका छन । जिल्लाका दश वटै स्थानिय तहका न्यायिक समितीहरु जनअपेक्षा अनुसारका क्रियाकलाप गर्न नसक्दा निस्क्रिय देखिएका हुन ।

स्थानीय तहको निर्वाचनपछि नागरिकलाई स्थानीय स्तरमै न्याय दिलाउने उद्धेश्यले संविधानमै न्यायिक समिति रहने भनी व्यवस्था गरिएको छ । तर, तिनै न्यायिक समितिहरु आफ्नै काममा अलमलमा परेका कारण नागरिकहरुले यसको सिधा फाइदा उठाउन सकेका छैनन् ।

न्यायिक समितीले गर्ने काम कार्बाहीको बारे नागरिकलाई प्रष्ट बुझाउन नसक्दा पनि न्यायिक समितीप्रतिे मोह नबढेको सहजै अनुमान गर्न सकिन्छ । अछाममा १० वटै स्थानीय तहहरुममा न्यायिक समिती गठन गरिसकिएका छन । तर अधिकांस न्यायिक समिति सक्रिय नरहेको ब्यापक जनगुनासो बढ्न थालेको छ ।

स्थानीय तहले न्यायिक समिति बनेको तथा उक्त समितिले नागरिकलाई गर्न सक्ने सहयोगका बिषयमा नागरिकलाई बुझाउन नसक्दा गठन भएका समितिहरु निष्कृय देखिएका हुन् । जसका कारण घरगाउँमै मिलान गर्न सकिने मुद्धाहरु अहिले पनि जिल्ला प्रशासन कार्यालय तथा जिल्ला प्रहरी कार्यालयमा जाने गरेका छन् ।

यता जिल्लाको बान्निगढी जयगढ गाँउपालिकाका न्यायिक समिती संयोजक लोक बहादुर साउदले भने न्यायिक समितीमा आएका मुद्धा न्यायिक समितीले नै मिलाउने गरेको दाबी गर्नुभएको छ । उहाँले अहिले सम्म न्यायिक समितीमा आएका एक दुई मुद्धा बाहेक सबै मुद्धा आफुले मिलाएको दाबी गर्नुभयो ।

यसैबिच आज हामीले न्यायिक समिती निस्क्रियताका बिषयमा बान्निगढी जयगढ गाँउपालिकाका उपाध्यक्ष तथा न्यायिक समिती संयोजक लोक बहादुर साँउदसंग कुराकानि रेका छौँ । कुराकानिको शुरुमा उहाँलाई हामीले बान्निगढी जयगढ गाउपालिकाको न्यायिक समितीमा मुद्धा आउने र मिलाउने क्रम के कस्तो भनेर सोधेका छौँ ।

Leave a Reply

Your email address will not be published. Required fields are marked *

Back to top button
error: Content is protected !!
Close
Close

Adblock Detected

Please consider supporting us by disabling your ad blocker