अछाम जिल्ला आक्रमण : आज १८ वर्ष पूरा

धनराज साउँद २०७६ फागुन ४, आईतबार १०:१७

अछाम जिल्ला आक्रमण भएको आज १८ वर्ष पूरा भएको छ । सशस्त्र द्वन्द्वका बेला अछाममा भएको यो सबै भन्दा ठूलो आक्रमण हो ।

२०५८ फागुन ४ गते एकै रात जिल्ला सदरमुकाम मंगलसेन र साँफेबगरमा आक्रमण भएको थियो । आक्रमणबाट अछामको ऐतिहासिक अछाम दरबार सहित सम्पूर्ण सरकारी कार्यालयहरु ध्वस्त भएका थिए ।

अछाम दरबार ध्वस्त भएको १८ वर्ष भईसकेको छ । दरबार पुनर्निर्माण सुरु भएको ११ वर्षसम्म पनि निर्माण कार्य पूरा हुन सकेको छैन । दरबारलाई पुरानै स्वरुप दिने उदेश्यले पुनर्निर्माणको काम सुरु भएपनि काम गर्ने जिम्मा पाएको निर्माण व्यवसायीको लापरबाहीले दरबार अझै अधुरो छ । काठको अभाव देखाउँदै निर्माण व्यवसायीले ढिलासुस्ती गरिरहेको छ ।

अछाम आक्रमणमा तत्कालिन प्रमुख जिल्ला अधिकारी मोहन सिंह खत्री सहित १ सय २३ जनाको मृत्यु भएको थियो ।

क्याटेगोरी : मुख्य समाचार, समाचार, स्थानीय, हेडलाईन

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।