Techie IT

शिक्षाको जग बलियो बनाउन प्रारम्भिक तहमा लगानी गर्न आवश्यक : उपाध्याक्ष कुँवर


चौरपाटी गाउँपालिका उपाध्याक्ष माया कुँवरले शिक्षाको जग बलियो बनाउन प्रारम्भिक तहमा लगानी गर्न आवश्यक रहेको बताउनु भयो ।

आज चौरपाटीमा एकिकृत प्रारम्भिक बालविकास योजनाको पुनरावलक तथा नव योजना तर्जुमा कार्यशाला गोष्ठिको समापन कार्यक्रममा वोल्दै उपाध्याक्ष कुँवरले बालबालिकाको बृद्धि विकास प्रारम्भिक तहको उमेर मै हुन भएकाले वालवालिकाको क्षेत्रमा लगानी गर्नु पर्नेमा जोड दिनु भयो ।

उहाँले बालवालिकाको क्षेत्रका लागि प्रत्येक बर्ष गाउँपालिकाले वजेट छुट्याए पनि प्राप्त हुन नसकेको धन्दै आगामि आर्थिक बर्ष देखि बालबलिकाकालाई उच्च प्राथमिकताका साथ वजेट छुटयाईने बताउनु भयो । गोष्ठिमा वालवालिकाको क्षेत्रमा गाउँपालिकाले गरेका क्रियाकलाप र आगामी रणनितिको बारे छलफल गरिएको थियो ।

चौरपाटी गाउँपालिकाको आयोजना तथा सेतो गुँरास वालविकास केन्द्रको सहयोगमा आईतबार देखि गोष्ठि सुरु भएको थियो । गोष्ठिमा प्रमुख प्रशासकिय अधिकृत गणेश प्रसाद जैशी ढुंगाना, वडा अध्यक्षहरु, कार्यपालिका सदस्य विषयगत शाखाका कर्मचारी लगायतको सहभागिता रहेको थियो । गोष्ठिको सहजिकरण सेतो गुराँस वालविकास केन्द्रका सिनियर ट्रेनर शसि विसिले गर्नु भएको थियो ।


क्याटेगोरी : मुख्य समाचार, शिक्षा, समाचार, स्थानीय

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

प्रतिक्रिया दिनुहोस


error: Content is protected !!