समिट एयरलाइन्सद्धारा अछाम धनगढी हवाई सेवा सुरु

समिट एयरलाइन्सले अछाम धनगढी–धनगढी अछाम उडान सुरु गरेको छ ।

समिट एयरले आज अछामबाट धनगढी र धनगढीबाट अछाम हवाई सेवा सुरु गरेको हो । समिट एयरका प्रतिनिधि दिपक दुवालका अनुसार अछामबाट धनगढी आउँदा १६ जना र धनगढीबाट अछाम जाँदा ६ जना यात्रु थिए ।

यसअघि समिट एयरले गत बर्षको चैत ८ गते साप्ताहिक रुपमा धनगढी–साफेबगर हवाई सेवा सञ्चालन हुने दावी गरेको थियो । तर ८ गते एक दिन मात्रै हवाई सेवा सञ्चालन गरिएकोमा त्यसपछि एक दिन पनि धनगढी–अछाम हवाई सेवा सञ्चालन गरिएको थिएन् ।

समिट एयरका प्रतिनिधि दुवालले अव हप्ताको एक दिन अछाम–धनगढी हवाई सेवा सञ्चालन हुने बताउनु भएको छ । अछाम साँफेबगर देखी धनगढी सम्मका लागि तीन हजार ६ सय भाडादर कायम गरिएको छ ।

धनगढी विमानस्थलका प्रमुख तेजवहादुर बुढथापाले भने अहिले नै साप्ताहिक उडान बारे आफुलाई जानकारी प्राप्त नभएको बताउनुभयो । धनगढी साँफेबगर नियमित हवाईसेवा सुरु भएपछि अछाम लगायत छिमेकी जिल्ला बाजुराका यात्रुलाई आवतजावतमा सजिलो हुनेछ । साँफेवगर धनगढीको हवाई यात्राको दुरी १७ मिनेटको रहेको छ ।

Leave a Reply

Your email address will not be published. Required fields are marked *

Back to top button
error: Content is protected !!
Close
Close

Adblock Detected

Please consider supporting us by disabling your ad blocker