कमलबजार सरकारको ‘सुत्केरीसँग उप-प्रमुख’ कार्यक्रम प्रभावकारी बन्दै

दिनेश केशी, अछाम

कमलबजार नगरपालिकाले सन्चालन गरेको ‘सुत्केरीसँग उपप्रमुख’ कार्यक्रम प्रभावकारी बन्दै गएको छ ।

नगर उपप्रमुख भुमिसरा ढकाल बजगाँई आफै घरमै पुगी सुत्केरी तथा गर्भवती महिलालाई पोषणयुक्त सामान वितरण गर्ने गरे संगै कार्यक्रम प्रभावकारी बन्दै गएको उप प्रमुख बजगाईले बताउनु भयो ।

हाल सम्म ६ सय जना सुत्केरी र गर्भवती महिलालाई पोषणयुक्त सामान वितरण गरेको नगरपालिकाले जनाएको छ । एक महिनाअघि सुरु गरेको ‘सुत्केरीसँग उपप्रमुख’ कार्यक्रमअन्तर्गत नगरका १० वटै वडाका गर्भवती तथा सुत्केरी महिलालाई कोसेली लिएर उपप्रमुखसहितको टोली गाउँगाउँ पुग्ने गरेको छ । सुत्केरीलाई कोसेली ल्याएर गाउँमै जनप्रतिनिधि आउन थालेपछि महिलाहरू निकै खुसी बनेका छन  ।

अछाममै नया कार्यक्रमको सुरवात गरेको र सुत्केरी संग उप प्रमुख कार्यक्रमबाट थुर्पै सुत्केरी महिला तथा नवजात शिसुहरु लाभाम्वीत भएको उप प्रमुख बजगाँइले उल्लेख गर्नु भयो । कमलबजार नगरपालिकाको आर्थीक बर्ष २०७६÷७७ को बजेट अन्तरगत उक्त कार्यक्रमको थालनी गरिएको र यसले दुरदराजका महिलाहरुमा सकारात्मक प्रभाव परेकाले निरन्तरता दिइने उहाँको भनाई छ ।