कोरोना संक्रमणबारे गाउँपालिका गम्भीर छ : अध्यक्ष खड्का (भिडियो सहित)

धनराज साउँद २०७६ चैत्र १२, बुधबार १७:१३

विश्वलाइनै आक्रान्त पारिरहेको कोरोना भाइरसको संक्रमणबाट जोगिन बान्नीगढि जयगढ गाउँपालिका गम्भीर बनेको गाउँपालिका अध्यक्ष राजेन्द्र बहादुर खड्काले बताउनु भएको छ ।

कोरोना संक्रमणको उच्च जोखिमलाई न्युनिकरण गर्न सरस्वती माबी जयगढमा १५ वेडको क्वारेनटाइन कक्ष स्थापना गरिएको छ ।
गाउँपालिकामा धेरै नागरिक छिमेकी मुलुक भारतबाट प्रवेश गरेकाले जयगढ पनि उच्च जोखिममा रहेकाले गाउँपालिकाले बिशेष सावधानी अपनाइरहेको अध्यक्ष खड्काले उल्लेख गर्नु भयो ।

कोराना संक्रमणको आसंका लागेका ब्यक्तीले तत्काल गाउँपालिकाको स्वास्थ्य साखामा सम्पर्क गर्न उहाँले सबै गाउँपालिका बासीमा अनुरोध गर्नु भएको छ ।

गाउँपालिका भित्र कोहि संक्रमणको आसंकित ब्यक्ती फेला परेको खण्डमा तत्कालका लागी सरस्वती माबी जयगढमा स्थापना भएको क्वारेनटाइनमा राख्ने र बिशेष सतर्कता अपनाउने उहाँको भनाई छ ।

बिश्वनै महामारी संग लडिरहेका बेला बान्नीगढि गाउँपालिकाले पनि स्वास्थ्यकर्मी लगायत एम्वुलेन्स तयारी अवस्थामा राखेको र गाउँपालिका भित्रका ६ वटै नागरिकलाई मास्क बितरण गरेको अध्यक्ष खड्काले जानकारी दिनु भयो ।

अध्यक्ष खड्कासंग कुराकानी गरेको यो भिडियो हेर्नुहोस