लयाँटी बासीका लागी आफै मास्क उत्पादन गर्दै : अध्यक्ष बुढा

कोराना संक्रमणको रोकथाम तथा नियन्त्रणका लागी पञ्चदेवल बिनायक नगरपालिकाले विभिन्न सावधानी अपनाएसंगै नगरपालिकाका बिभिन्न वडामा संक्रमणको रोकथाममा विभिन्न क्रियाकलाप सञ्चालन भइरहेका छन ।

कोरोना संक्रमणको सम्भावित जोखिमको रोकथामका लागी वडा नम्वर ५ लयाँटीका वडा अध्यक्ष कुल बहादुर बुढा क्रियाशिल बनेका छन । वडाका सबै नागरिकलाई मास्क बितरण गर्ने गरि लयाँटीमै मास्क उत्पादन गर्ने कार्यमा अग्रसर भएर लाग्नु भएको छ ।

तत्कालिन लयाँटी गाविसका ९ वटै वडाका सम्पुर्ण नागरिकलाई मास्क पुग्ने गरि स्थानिय स्रोत साधनको प्रयोग गरि अध्यक्ष आफैले मास्क सिलाइरहेको दाबी गर्नु भएको छ ।

वडा नम्वर ५ लयाँटीका निर्वाचित वडा सदस्यहरु पनि मास्क उत्पादन गर्ने कार्यमा अग्रसर बनेको अध्यक्ष बुढाले जानकारी दिनु भयो ।

यस्तै नेपाली काँग्रेसका वडा सभापती मैपती नेपाली पनि मास्क सिलाउने कार्यमा अग्रसर बन्नु भएको छ । शनिवार आज मास्क सिलाउने कार्य गर्ने र आइतबार सबै नागरिकलाई पुग्ने गरि वितरण गर्ने अध्यक्षको भनाई छ ।


विश्वनै बिषम परिस्थीतीसंग लडिरहेकाले यो बिपदको घडीमा सबै नागरिक सचेत भएर घरमै बस्न उहाँले आग्रह गर्नु भएको छ ।

भारतबाट गाउँघर तिर प्रवेश गरेका नागरिकहरुको तथ्याँक संकलन गरि उनिहरुलाई उच्च निग्रानीमा राख्ने र उनिहरुका आफन्तले पनि होम क्वारेण्टिन अर्थात एकान्त बासमामा बस्नु पर्ने कुरामा जोड दिनु भयो ।

सरकारले नेपाललाइनै लक डाउन गरेकाले गाउँघरका स्थानिय पसलहरु नखोल्न र सरकारको निर्देश आफ्नै स्वास्थ्यको हितका लागी पालना गर्न आम वडा बासीमा अध्यक्ष कुल बहादुर बुढाले अनुरोध गर्नु भएको छ ।

 

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

Leave a Reply

Your email address will not be published. Required fields are marked *

Back to top button
error: Content is protected !!
Close
Close

Adblock Detected

Please consider supporting us by disabling your ad blocker