मंगलसेन नगरपालिकाद्धारा स्वास्थ्य सामाग्री हस्तान्तरण

होम साउद, अछाम १८ चैत्र ।

कोरोना भाईरस संक्रमणको सम्भावित जोखिमलाई मध्यनजर गर्दै मंगलसेन नगरपालिकाले नगर क्षेत्रभीत्रका सबै १२ वटै स्वास्थ्य संस्थाहरुमा अत्यावश्यक औषधि तथा अन्य सामग्रि हस्तान्तरण गरिएको छ ।

नगरको स्वास्थ्य शाखा मार्फत खरिद गरिएका औषधी र स्वास्थ्य सामग्रिहरु हस्तान्तरण गरिएको हो ।

नगरपालिकाको गाडिबाट सम्वन्धित स्वास्थ्य संस्थामा औषधि पुगाईएको नगरको स्वास्थ्य शाखा संयाजक मान बहादुर सोडारीले बताउनुभयो । स्वास्थ्य संस्थालाई तत्कालिन आवश्यक पर्ने औषधि सहित सेनेटाईजर, मास्क, ग्लोभ्स लगायतका सामान उपलब्ध गराईएको स्वास्थ्य संयोजक सोडारीले बताउनुभयो ।

शाखाले अहिले हरेक स्वास्थ्य संस्थाबाट ज्वरो रिर्पोटिङ गरिरहेको र कोरोना भाईसरसको सम्भावित जोखिम न्यूनिकरणका लागि स्वास्थ्यकर्मीलाई विशेष रुपमा परिचालन गरिएकोले भन्दै सबै जनतालाई स्वास्थ्य सजगता अपनाउन नगरपालिकाका प्रमुख प्रशासकीय अधिकृत ओमकार शाहले आग्रह गर्नुभयो ।

नगरवासिलाई मास्कको प्रयोग गर्न, सावुनपानी वा सेनेटाईजरले हात धुन, एकान्तवास गर्न र ज्वरो तथा रुघाखोकी लागेमा स्वास्थ्यकर्मी वा स्वास्थ्य संस्थामा सम्पर्क गर्न प्रमुख प्रशासकीय अधिकृत शाहले अनुरोध गर्नुभयो ।

Leave a Reply

Your email address will not be published. Required fields are marked *

Back to top button
error: Content is protected !!
Close
Close

Adblock Detected

Please consider supporting us by disabling your ad blocker