कोरोना जाँचका लागी २ मेयर सहित ६८ जनाको नमुना संकलन

धनराज साउँद २०७६ चैत्र २६, बुधबार १८:१५

फाईल तस्वीर

जिल्लाको कमलबजार नगरपालिकाबाट बुधवार नगर प्रमुख सहित ६८ जनाको स्वाव संकलन गरिएको छ ।

कोरोना सँक्रमण भए नभएको जाँचका लागी जिल्लाको कमलवजारबाट २ जना नगर प्रमुख सहित ६८ जनाको नमुना स्वाव सँकलन गरिएको हो ।

पञ्चदेवलन बिनायक नगरपालिकाका नगर प्रमुख देवराज देवकोटा र कमलबजार नगरपालिकाका नगर प्रमुख ओमप्रकाश बिष्ट सहित ६८ जनाको नुमना सँकलन गरिएको हो ।

६८ जनाको कोरोना जाँचका लागी नमुना सँकलन गरिएकोमा ६२ जना पुरुष र ६ जना महिला रहेको बताईको छ ।

जिल्लामा हेलीकप्टर सहित आएको स्वास्थ्यकर्मीको टोलीले हालसालै भारतबाट भित्रिएका तथा उनीहरुको सम्पर्कमा रहेकाहरुको नमुना सँकलन गरेको हो ।

यस्तै कमलबजार नगरपालिकाका नगर उप प्रमुख भुमिशरण ढकाल बज्गाईको पनी नमुना सँकलन गरिएको छ ।

अछाम जिल्लामा हालसालै भारतबाट उल्लेख्य मात्रामा नागरीकहरु भित्रिएकाले अछाम जिल्लालाई पनि कोरोना संक्रमण फैलिएको हुन सक्ने सम्भावित जिल्लाको रुपमा हेरीदै आएको छ ।

यसै बिच मँगलबारमात्र अछाम जिल्लाको बयालपाटा अस्पतालबाट ५१ जनाको र मंगलसेनबाट १०७ जनाको नमुना संकलन गरिएको थियो ।

अछाम जिल्लाबाट संकलन गरिएको नमुना स्वावको काठ्माण्डौमा परिक्षण गरिने छ । सम्भव त शुक्रवार सम्म रिपोर्ट आउने अपेक्षा गरिएको छ ।

क्याटेगोरी : मुख्य समाचार, राष्ट्रिय, समाचार, स्थानीय, हेडलाईन

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।