ट्वाईलेट र खानेपानि विनाको पञ्चदेवलको क्वारेन्टिन,बसेकाहरु भन्छन खाना पनि गुणस्तरीय छैन

पञ्चदेवल बिनायक नगरपालिकाले निर्माण गरेको क्वारेन्टाईनमा बस्न असहज भईरहेको गुनासो गरेको छन ।

क्वारेन्टाईनमा शौचालय तथा सरसफाई गर्न आवश्यक पानिको समेत समस्या रहेको क्वारेन्टाईनमा रहेकाहरुले गुनासो गरेका हुन ।

पञ्चदेवल बिनायक नगरपालिकाले पञ्चदेवल क्याम्पसमा निर्माण गरेको क्वारेन्टिनमा बसेका स्थानिय पदमराज तिमिल्सैनाले पानिको कुनै सुविधा नभएको बताउनुभयो ।

उनका अनुसार क्वारेन्टाईनमा पिउने पानिको समेत अभाव रहेको छ भनेधारामा पानि कतिखेर आउँछ भन्ने समेत अत्तोपत्तो छैन ।

सरसफाई र पिउने पानीसंगै खानेकुरामा पनि निकै समस्या भईरहेको उनको भनाई छ । क्वारेन्टाईनमा खुवाईने खाना गुणस्तरहिन रहेको उनले बताएका छन ।
क्वारेन्टाईनको खानाले बिरामी भईन्छ कि भन्ने चिन्ताले उनलाई पिरोलेको छ ।

सामाजीक संजालमा स्टाटस राख्दै उनले क्वारेन्टाईनमा झन रोगी भईन्छ कि भन्ने चिन्ताले पिरोलेको उल्लेख गरेका छन ।

यस्तै क्वारेन्टिनमा बसेका अर्का स्थानीय जनक रिमालले सुत्नका लागी पनि समस्या भईरहेको बताएका छन । पालमा सुत्नु परेको उनको भनाई छ ।

पञ्चदेवल बिनायक नगरपालिकामा हालसालै जिल्ला बाहिरबाट आएका २६ जनालाई क्वारेन्टाईनमा राखीएको छ ।

Leave a Reply

Your email address will not be published. Required fields are marked *

Back to top button
error: Content is protected !!
Close
Close

Adblock Detected

Please consider supporting us by disabling your ad blocker