Techie IT

मंगलसेन नगरपालिकाका ३२१ जना क्वारेन्टाईनमा


होम साउद, अछाम १८ जेठ

मंगलसेन नगरपालिकाले भारत तथा जिल्ला बाहिरबाट आएका ३२१ जनालाई क्वारेन्टाईनमा राखेको छ ।

जेठ ५ देखी हालसम्म नगरपालिकामा भित्रीएका उनीहरुलाई १४ वटै वडामा बनाईएका क्वारेन्टाईनहरुमा राखिएको हो । बाहिरबाट आएका जम्मा ३२१ जनामध्ये ४० जना होम क्वारेन्टाईनमा वसेको नगरपालिकाले जनाएको छ ।

यहि जेठ ५ गतेदेखी बढी संख्यामा भारत तथा जिल्ला बाहिरबाट नगरवासिहरु भित्रीरहेको र उनीहरुलाई नगरपालिका र सबै वडा कार्यालयहरुको निगरानीमा रहनेगरी एकान्तवास राख्ने गरिएको हो ।

नगरमा जेठ ५ देखी १३ गतेसम्म जम्मा १०१ जना भीत्रिएकोमा १४ गते थप ५८ जना, १५ गते ४८ जना, १६ गते ४० जना, १७ गते ३५ जना र १८ गते ३९ जना भारत तथा जिल्ला बाहिरबाट नगरपालिकामा भीत्रिएको नगरपालिकाका सूचना अधिकारी खकेन्द्रबहादुर सोडारीले वताउनुभयो ।

नगरभरीमा हालसम्म विभिन्न २४ वटा क्वारेन्टाईनमा उनीहरु वसिरहेको र थप आउने ब्याक्तिहरुका लागि पनि नगरले बिभिन्न विद्यालयहरुलाई क्वारेन्टाईन स्थल वनाउने गरि तयारी अवस्थामा राखेको उहाँले जानकारी दिनुभयो ।

क्वारेन्टाइनको ब्यावस्थापन नगरपालिकाले गरेको छ भने हरेक वडामा आवश्यक सहयोग, समन्वयका लागि वडा अध्यक्ष र अन्य जनप्रतिनिधि सहित कर्मचारी र प्रत्यक वडामा २÷२ जना स्वंसेवक समेत परिचालन गरिएको छ ।


क्याटेगोरी : मुख्य समाचार, समाचार, स्थानीय

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

प्रतिक्रिया दिनुहोस