नेकपा नेता डां.रावलद्धारा अछाममा १५ हजार थान सर्जिकल मास्क बितरण
पूर्व उपप्रधान, रक्षा, गृह मन्त्री डा. भिम बहादुर रावलले अछाम जिल्लाकालागि १५ हजार थान सर्जिकल मास्क पठाउनु भएको छ ।
नेपाल कम्युनिष्ट पार्टी ९नेकपा०स्थायी कमिटी सदस्य तथा अछाम क्षेत्र नम्बर १ का सासंद समेत रहेका नेता रावलले जिल्ला अस्पताल अछाम, बयालपाटा अस्पताल, जिल्ला प्रशासन कार्यालय अछामकालागि १४ हजार थान र अछामका संञ्चारकर्मिकालागि १ हजार थान वितरण हुने गरि मास्क ब्यक्तिगत पहल तथा सहयोगमा पठाईएको हो ।
कोरोना भाईरसको महामारीको समयमा अग्रमोर्चामा खटेर काम गर्ने संञ्चारकर्मिकालागि १ हजार थान सर्जिकल मास्क पठाउनु भएको हो । प्रेस संगठन नेपाल जिल्ला शाखा अछामले वितरण गर्ने गरि काठमाण्डौँबाट अछामा मास्क पठाईएको प्रेस संगठन नेपालका केन्द्रिय सदस्य एकिन्द्र कुवरले बताउनु भयो ।
अहिले तत्काल मास्क पठाईएको र आगामि दिनमा सेनिटाईजर, प्रेस ज्याकेट लगायतका सामाग्री समेत पठाईने उहाँले बताउनु भयो । प्रेस संगठन नेपाल जिल्ला कमिटी अछामलाई सबै मास्क प्राप्त भईसकेकाले केही दिनमा वितरण गरिने प्रेस संगठन अछामका सहसंयोजक कृष्ण बहादुर बुढाले जानकारी दिनु भयो ।
यस अघि डाक्टर रावलले बयालपाटा अस्पताल र जिल्ला अस्पताल मंगलसेनका लागि ५०/५० थान व्यक्तिगत सुरक्षा सामाग्री पिपिई प्रदान गर्नु भएको थियो ।
