अछाममा फेरि १ नयाँ संक्रमित थपिए, कोरोना संक्रमितको संख्या २ पुग्यो

धनराज साउँद २०७७ जेठ १९, सोमबार १९:४६

अछाम जिल्लामा फेरि १ जनामा कोरोना संक्रमण पुष्टि भएको छ ।थप १ जनामा कोरोना पुष्टि भएसंगै अछाममा कोरोना संक्रमितको संख्या २ पुगेको छ ।

जिल्लाको चौरपाटि गाउँपालिकाका १ पुरुषमा कोरोना पुष्टि भएको हो ।चौरपाटि गापा वडा नम्बर २ सोकटका ३१ बर्ष पुरुषमा कोरोना संक्रमण पुष्टि भएको चौरपाटि गाउँपालिकाका आईटि अधिकृत मुकेश कुँवरले जानकारी दिनुभयो ।

जेठ ९ गते भारतबाट गाउँ आएका उनमा स्वास्थ्य समस्या देखीएपछि बयालपाटा अस्पतालमा उपचारका लागी भर्ना गरिएकोमा उनमा डेंगीको संक्रमण देखीएको बताईएको छ ।

चौरपाटि गाउँपालिकाका स्वास्थ्य शाखा उप प्रमुख कमल साउँदका अनुसार डेंगीको संक्रमण देखीएका उनलाई उपचारका लागी बयालपाटा अस्पतालबाट धनगढी रिफर गरिएको थियो ।

रिफर गर्नु पुर्व बयालपाटा अस्पतालबाट उनको थ्रोट स्वाव संकलन गरि सुर्खेत पठाईकोमा सोमवार साँझ उनमा कोरोना संक्रमण पुष्टि भएको हो ।

धनगढीमा डेंगीको उपचार पछि उनी गाउँ फर्किएर घरमै बस्दै आएका खुलेको छ ।तीँ युवकमा कोरोना संक्रमण पुष्टि भएसंगै अछाम जिल्लामा २ जनामा कोरोना संक्रमण पुष्टि भएको छ ।

दुवै जना पुरुष जिल्लाको चौरपाटि गाउँपालिका वडा नम्बर २ का हुन ।यस अघि सोमवार मात्रै चौरपाटि गाउँपालिका वडा नम्बर २ को क्वारेन्टाईनमा रहेका अर्का ३३ बर्षिय युवकमा कोरोना पुष्टि भएको थियो ।

३३ बर्षिय पुरुषको सेती प्रादेशिक अस्पतालमा कोरोना जाँचका क्रममा संक्रम पुष्टि भएको थियो ।