मेल्लेख गाउँपालिकामा कोरोना परिक्षणमा जोड : अध्यक्ष बोहरा (कुराकानी सहित)

मेल्लेख गाउँपालिका अध्यक्ष लोक बहादुर बोहराले गाउँपालिकामा हालसालै भित्रिएका नागरिकहरुको कोरोना परिक्षणमा जोड दिईएको बताउनु भएको छ ।

भारतबाट गाउँ फर्किएका मध्य ८ जनामा कोरोना संक्रमण देखीएसंगै अन्य नागरिकको कोरोना परिक्षणमा जोड दिईएको उहाले बताउनु भएको हो ।

भारतबाट हालसालै गाउँपालिका भित्रिएका मध्य ८ जनामा कोरोना संक्रमण पुष्टि भईसकेकोमा अन्य नागरिकहरुमा पनि कोरोना परिक्षणमा जोडि दिईएको उहाको भनाई छ ।

रेडियो बान्नीगढीको कोरोना बिशेष अपडेटमा कुराकानी गर्दै अध्यक्ष बोहराले क्वारेन्टाईनमा रहेको सवै नागरिकको कोरोना परिक्षणका लागी थ्रोट स्वाव संकलन कार्य तिव्र पारिएको बताउनुभयो ।

मंगलबारमात्रै दर्जनौ नागरिकको नमुना स्वाव संकलन गरिएको र अन्य नागरिकको नमुना स्वाव संकलन कार्य जारि राखेको उहाको भनाई छ ।

गाउँपालिकामा एकै दिन ८ जनामा कोरोना संक्रमण देखीएसंगै संक्रमण फैलिन नदिन गाउँपालिकाले लक डाउनमा कडाई गर्नुका साथै उच्च सतर्कता अपनाएको अध्यक्ष बोहराले बताउनुभयो ।

क्वारेन्टाईनमा रहेका नागरिकलाई निगरानी गर्ने, नुमना संकलन गर्ने र आवश्यक स्वास्थ्य जाँच सामाग्री व्यवस्थापन गर्ने कार्यमा गम्भिर भएर लागीपरेको उहाँले उल्लेख गर्नु भएको छ ।

गाउँपालिकामा सयौँको संख्यामा नागरिकहरु क्वारेन्टाईमा राखीएको र उनीहरुको समयमै स्वास्थ्य परिक्षणका स्वास्थ्य सामाग्रीको प्रवन्ध मिलाउन लागीएको अध्यक्ष बोहराले बताउनुभयो ।

कोरोना संक्रमण देखीएसंगै गाउँपालिकामा अत्यावश्यक काम बाहेक एक वडा देखी अर्को वडामा नागरिको आवतजावत समेत पुर्ण रुपमा बन्द गरिएको छ ।

समयमै कोरोना परिक्षण नहुदा संक्रमणको जोखीम बढ्ने भएकाले अछाम जिल्लामै कोरोना परिक्षण प्रयोगशाला स्थापना गर्नुपर्ने उहाँको भनाई छ ।

जिल्लामा कोरोना परिक्षण प्रयोगशाला स्थापनाका लागी मेल्लेख गाउँपालिका आवश्यक लगानी गर्न तयार रहेको उहाँले बताउनुभयो ।

अछाम जिल्लासंगै छिमेकि जिल्लाका स्थानीय तह मिलेर अछाम जिल्लामा कोरोना परिक्षण प्रयोगशाला स्थापना गर्नुपर्नेमा उहाँले जोड दिनु भएको छ ।

मेल्लेख गाउँपालिका अध्यक्ष लोक बहादुर बोहरासंग गरिएको कुराकानी :-

 

Leave a Reply

Your email address will not be published. Required fields are marked *

Back to top button
error: Content is protected !!
Close
Close

Adblock Detected

Please consider supporting us by disabling your ad blocker