Techie IT

क्वारेन्टाईनमा रहेका महिलालाई समबिकास र ल्याक नेपालको सहयोग


बान्नीगढी जयगढ गाउँपालिकाको क्वारेन्टाईनमा रहेका महिलाहरुका लागी स्वास्थ्य सामाग्री सहयोग गरिएको छ ।

गाउँपालिकाका बिभिन्न वडामा रहेका महिलाहरुका लागी सम बिकास नेपाल र ल्याक नेपालले स्वास्थ्य सामाग्री सहयोग गरेको हो ।

गाउँपालिकाका स्वास्थ्य शाखा प्रमुख बसन्त रावललाई संस्थाका प्रतिनिधि तथा सम बिकास नेपालका सचिव दुधकला विष्टले सेनेटरी प्याड र सावुन हस्तान्तरण गरेका हुन ।

बान्नीगढी जयगढ गाउँपालिकाका क्वारेन्टाईनमा रहेका १ सय ९८ जना महिलाहरुका लागी ३ सय ९६ पिस सेनेटरी प्याड र ४ सय पिस सावुन हस्तान्तरण गरिएको बताईएको छ ।

क्वारेन्टाईनमा रहेका महिलाहरुको स्वास्थ्य संवेदनशिलतालाई ध्यानमा राखी उनीहरुको सहजताका लागी सेनेटरी प्याड र सावुन बितरण गरिएको समबिकास नेपाल अछामका अध्यक्ष पशुपती कुँवरले बताउनुभयो ।

यसै बिच गाउँपालिकालाई स्वास्थ्य सरसफाई सामान सहयोग गर्ने सम बिकास नेपाल र ल्याक नेपालप्रति आभार प्रकट गर्दै धन्यवाद ज्ञापन गरेको छ ।


क्याटेगोरी : मुख्य समाचार, समाचार, स्थानीय, स्वास्थ्य, हेडलाईन

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

प्रतिक्रिया दिनुहोस