अछाममा आरडिटि नेगेटिभ आएका स्वास्थ्यकर्मीमा कोरोना संक्रमण पुष्टि
अछाममा आरडिटि परिक्षणका क्रममा नेगेटिभ रिपोर्ट आएका एक स्वास्थ्यकर्मीमा कोरोना संक्रमण पुष्टि भएको छ ।
जिल्लाको पञ्चदेवल बिनायक नगरपालिकामा कार्यरत एक जना स्वास्थ्यकर्मीमा कोरोना संक्रमण पुष्टि भएको हो ।
आरडिटि जाँचका क्रममा तीँ स्वास्थ्यकर्मीमा नेगेटिभ रिपोर्ट आएका थियो । आरडिटि जाँचका क्रममा नेगेटिभ रिपोर्ट आएपनि पिसिआर जाँचका क्रममा उनमा कोरोनाको संक्रमण रहेको पुष्टि भएको हो । १५ दिन अगाढी उनको नमुना स्वाव संकलन गरि परिक्षणका लागी पठाईएकोमा शुक्रवार मात्र रिपोर्ट आएको हो ।
अछाममा भारतबाट फर्किएका नागरिकहरुलाई १४ दिन क्वारेन्टाईनमा राखेपश्चात आरडिटि जाँच गरि घर पठाउने गरिएको छ । आरडिटि परिक्षणमा नेगेटिभ रिपोर्ट आएकाहरुमा पनि पिसिआर जाँचका क्रममा कोरोना संक्रमण देखीएपछि अछाममा कोरोनाको संक्रमा तिव्र रुपमा फैलिएको हुन सक्ने आशँका गरिएको छ ।
