रामारोशन गाउँपालिका सरकार विरुद्ध प्रदर्शन

धनराज साउँद २०७७ असार २६, शुक्रबार १७:५२

रामारोशन गाउँ पालिका सरकार विरुद्ध रामारोशन गाउँ पालिकाका युवाहरूले गाउँ पालिकाको सेवा केन्द्र मा प्रदर्शन गरेका छन ।

विश्वभर महामारीको रुपमा फैलिएको कोरोना भाइरस रामारोशन गाउँ पालिका मा पनि तिव्ररुपमा फैलिएको र यसलाई रोक थामका लागि सरकार गैरजिम्मेवार र उदाशिन भएको भन्दै युवाहरुले स्वस्फूर्त आन्दोलन गरेका छन ।

रामारोशन युवा संजाल ले नेतृत्व गरेको आन्दोलनमा युवाहरु सरकार तेरो पारा ले दुख पाए साराले , विदेश बाट आएका नगरिकको पिसिआर गर ,कोरोन्टाइनको उचित व्यवस्थापन गर , कोरोना रोगथाममा पनि भष्टचार बन्द गर , नागरिकको जिउ ज्यानको रक्षा गर लगायत लेखिएका काड समातेर प्रदर्शन गरेका हुन ।

सामाजिक दुरि कायम गरि गरिएको आन्दोलन मा रामारोशन गाउँ पालिकाका सबै वटा वडाका युवाहरूको उल्लेखनीय उपस्थिति रहेको थियो ।

पटकपटक स्थानिय सरकारलाई कोरोना नियन्त्रण का लागि गम्भीर बन्न यसको नाममा भइरहेको भष्टाचार बन्न गर्न सरकारलाई सुचित गरे पनि यो बिषयमा सरकार एक रथि पनि जिम्मेवार नबनेको र बरु उल्टै काम कम मिडिया बाजि बढि गरेको भन्दै यस्तो परिस्थितिमा बाध्य भएर आन्दोलन गर्नु परेको रामारोशन युवा सँजालका अध्यक्ष अर्जुन लुहारले बताउनुभयो । साथै सरकारले अझै बेवास्ता गरे थप आन्दोलन गर्ने पनि बताउनु भएको छ ।

क्याटेगोरी : मुख्य समाचार, समाज, हेडलाईन

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।