व्यापारी ताम्राकारद्धारा क्यान्सर पिडितलाई सहयोग
साँफेबगरमा व्यापार गर्दै आएका नृपराज ताम्राकारले छोरीको जन्मदिनको अवशरमा क्यान्सर पिडितलाई आर्थिक सहयोग गर्नुभएको छ ।
मेल्लेख गाउँपालिका वडा ४ कुस्कोट घर भई साँफेबगरमा व्यवसाय गर्दै आएका ताम्राकारले छोरी सन्ध्या ताम्राकारको जन्मदिनको अवशरमा क्यान्सर पिडित भक्त बिकको उपचारार्थ ३ हजार ५ सय आर्थिक सहयोग गर्नु भएको हो ।
साँफेबगर नगरपालिका वडा नम्बर ९ बुढाकोटका ३७ बर्षिय क्यान्सर पिडित भक्त बिकको हाल भारतमा उपचार भईरहेको छ ।
उपचारका लागी आर्थिक अभाव झेलीरहेका बिकको उपचारका लागी छोरीको जन्मदिनको फजुल खर्च कटाएर आर्थिक सहयोेग गरेको ताम्राकारले बताएका छन ।
साँफेबगरमा सन्ध्या फेन्सी स्टोर संचालन गर्दै आएका ताम्राकारले झक्त बिक बचाउ अभियानका अभियान्ता तथा साँफेबगर नगरपालिका वडा नम्बर ११ का वडा सचिव धुर्व बिक मार्फत सहयोग रकम हस्तान्तरण गरेका हुन ।
क्यान्सर पिडित भक्त बिकको उपचारार्थ आर्थिक संकलनमा जुटिरहेका अभियान्ता तथा वडा सचिव धुर्व बिकले अभियानमा सहयोग गर्न सवैमा अपिल गरेका छन ।
