गोंगबु घटनाकि आरोपित कल्पनाले फेर्दै बयान,तन्त्रविद्या सिक्दै गरेको खुलासा

काठमाडौ । काठमाडौको गोंगबुमा भएको घटनाका बारेमा प्रहरीले एक नयाँ तथ्य पत्ता लगाएको छ । रोल्पाका कृष्णबहादुर बोहोराको ज्यान लिएको अभियोगमा पक्राउ परेकी चितवनकी कल्पना मुडभरी(पौडेल) ले तन्त्रविद्या सिक्न लागेको तथ्य प्रहरीले फेला पारेको छ । उनले कृष्णबहादुरको ज्यान लिएपछि जसरी शवलाई टुक्रा पारेकी थिइन् त्यसवाट प्रहरी आश्चर्यमा परेको थियो । त्यस विषयमा ज्ञान भएको मानिसले मात्र त्यसरी ब्यवस्थापन गर्न सक्ने भन्दै प्रहरीले घटनाको विभिन्न पक्षको अनुसन्धान थालेको छ । ताजाखाबरमा लेखिएको छ ।

घटनामा अरुको पनि संलग्नता हुनसक्ने आशंकामा कल्पनाको कोठामा छानविन गर्न पुगेको प्रहरीले उनको कोठावाट तन्त्र विद्याका केही कापी फेला पारेको छ । कल्पनाले विभिन्न तन्त्र विद्या सम्बन्धि जानकारी लेखेर राख्ने गरेको प्रहरीले अनुसन्धानका क्रममा फेला पारेको जनाएको छ । उनले हिप्नोटाइज कसरी गर्ने भन्ने विषयमा समेत रुची राखेको उनको कोठामा पाएको प्रमाणले देखाएको प्रहरीको भनाई छ । उनको कोठामा फेला परेका केही कापीमा हिप्नोटाइज र अन्य तन्त्रविद्याका बारेमा जान्नका लािग उनले जानकारी लेखेर राखेकी छन् । तान्त्रिक गुरुका कुराहरु पनि लेखेको प्रहरीले फेला पारेको छ ।

घटना भएको ६ दिन यता कल्पनाले आफ्नो बयान फेर्दै गएकी छन् । उनले आफ्नो छोरीलाई पनि आँखा लगाउन थालेपछि त्यस्तो निर्णयमा पुगेको बयान दिएकी छन् । पछि फेरी अनुसन्धानका क्रममा पैसा पनि कारणका रुपमा देखिएको छ । कल्पनाले ५० लाख रुपैया लिएको कृष्णबहादुरका आफन्तहरुले दावी गरेका छन् । उनले वयानका क्रममा पनी छोरीलाई दु’ब्र्य’वहार गर्न थालेको देख्न नसकेर आफुलाई देबी चढेको पनि बताएकी छन् ।

Leave a Reply

Your email address will not be published. Required fields are marked *

Back to top button
error: Content is protected !!
Close
Close

Adblock Detected

Please consider supporting us by disabling your ad blocker