बाढि पिडित नागरिकका लागी बिशेष कार्यक्रम संचालन गर्ने अर्थमन्त्री बोहराको उद्धघोष

धनराज साउँद २०७७ भदौ १९, शुक्रबार २०:१८

अछाममा बाढि प्रभावित क्षेत्रका नागरिकहरुका लागी सुदूरपश्चिम प्रदेश सरकारले बिशेष कार्यक्रम ल्याउने अर्थमन्त्री झपट बहादुर बोहराले बताउनु भएको छ ।

रेडियो बान्नीगढीसंग कुराकानी गर्दै मन्त्रि बोहराले अछाममा भाद्र २ गते राती बर्षा संगै आएको बाढिका कारण ठुलो क्षती व्यहोरेका नागरिहरुका लागी प्रदेश सरकारले आवश्यक कार्यक्रम ल्याउने बताउनु भएको हो ।

मन्त्रि बोहराका अनुसार बाढि पहिरोमा परि ज्यान गुमाएका तथा घरबार र खेत बगाएर बिचल्लीमा परेकाहरुको जीवनस्तर उकास्नका लागी कृषी,पशु लगायत क्षेत्रमा आर्थिक सहायता सहतिको बिशेष कार्यक्रम संचालन गरिने छन ।

जिल्लाको रामारोशन गाउँपालिकासंगै र बान्नीगढी गाउँपालिका र अन्य क्षेत्रमा भएको क्षतीको बिस्तृप्त बिवरण संकलन पश्चात बजेट व्यवस्थापन तथा आवश्यक योजना संचालन गरिने उहाँको भनाई छ ।

बाढि पहिराका कारण सडक संजाल बिद्युत संजालबाट टाढा बनेको रामारोशन गाउँपालिका र त्यस क्षेत्रका नागरिकहरुको जनजीवन सामान्य स्थितिमा ल्याउन प्रदेश सरकारका तर्फबाट आवश्यक बजेटको कमि हुन नदिने अर्थमन्त्री बोहराले प्रतिबद्धता जनाउनु भयो ।

सडक संजाल,बिद्युत पुल पुलेसा र ग्रामीण बाटोमा पुगेको क्षतीको यथार्त बिवरण संकलन कार्य सकिने बितिक्कै योजना पुनः संचालन गर्न बजेट व्यवस्थापनमा जुट्ने उहाको भनाई छ ।

अर्थमन्त्री झपट बाेहरास‌ँगकाे कुराकानी :-

क्याटेगोरी : मुख्य समाचार, समाचार, स्थानीय, हेडलाईन

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।