मनकारी ठकुल्लाको परोपकारी काम : बाढि पिडितका लागी ५ वटा घर बनाउने घोषणा
रामारोशन गाउँपालिकाका बाढि पिडितका लागी ५ वटा घर निर्माण गर्ने गगन चन्द्रा भक्त ठकुल्ला समाजले घोषणा गरेको छ ।
समाजका अध्यक्ष तथा समाजसेवी भक्त ठकुल्लाले एक बत्तव्य जारि गर्दै बाढि पिडितका लागी ५ वटा घर निर्माण गर्ने घोषणा गर्नु भएको हो ।
भाद्र २ गते आएको बाढिका कारण आफन्तसंगै घर गुमाएका रामारोशन गाउँपालिकाका अति बिपन्न ५ परिवारका लागी ५ वटा घर निशुल्क रुपमा निर्माण गर्ने अध्यक्ष भक्त ठकुल्लाले बताउनुभयो ।
बाढिका कारण आफन्त संगै घर समेत बगाएर सडक बास बस्नु पर्ने बाध्यता भएका परिवारका लागी ५ वटा घर निर्माण गर्ने उहाँको भनाई छ । ठकुल्लाका अनुसार घरहरु निर्माण गर्नका लागी रामारोशन गाउँपालिकासंग आवश्यक समन्वय भईरहेको छ । घर निर्माणका लागी जग्गा उपलव्ध भएपछि निर्माणको कार्य अघि बढाईने छ ।
बिचल्लीमा परेकाहरुको जनवीवन सामान्य बनाउनका लागी आफुले निस्वार्थ भावनाका साथ घर निर्माण गरिदिने निर्णय गरेको ठकुल्लाले बताउनुभयो । गगन चन्द्रा भक्त ठकुल्ला समाजले सामाजीक क्षेत्रमा बिगत देखी नै बिभिन्न रचनात्मक कार्य गर्दै आईरहेको छ ।
भदौ २ गते कैलाश खोलामा आएको बाढीले रामारोशनको सैनीबजारका १७ जना बेपत्ता भएकोमा ८ जनाको मात्रै शव फेला परेको छ । अझै ९ जना बेपत्ता छन् ।
