Techie IT

करदाता सेवा कार्यालय अछामको सेवा सुरु


अछाम जिल्लामा करदाता सेवा कार्यालयले सेवा दिन सुरु गरिएको छ । जिल्लाको प्रमुख व्यपारिक केन्द्र साँफेबगरमा कायर्लालय स्थापना गरि सेवा सुरु गरिएको हो ।

सोमबार देखि कार्यालयबाट सेवाहरु सुचारु गरिएको कार्यालयका प्रमुख राजेन्द्र बस्नेतले बताए । कार्यालय प्रमुख बस्नेतका अनुसार यस अघि आन्तरिक राजस्व कार्यालय धनगढीबाट सेवा लिँदै आएका अछाम र बाजुराका करदातालाई सेवा कार्यालय साँफेबगरबाट सेवा दिइने छ । अछाम र बाजुराबाट करदाताले कर तिर्नैका लागि धनगढी जानु पर्ने बाध्यताको समेत अत्य भएको उनले बताए ।

कर सम्बन्धी सेवा प्रवाह, बजार अनुगमन, व्यवसायलाई करमा दर्ता गर्ने काम करदाता सेवा कार्यालयबाट हुने छन् । कर संकलन, खाता प्रमाणीत, भ्याटमा दर्ता, कारोवार परिर्वतन, अन्तशुल्क संकलन, व्यवसाय खारेज, कर शिक्षा जस्ता सेवा प्रवाह कार्यालय मार्फत सुरु भएको करदाता सेवा कार्यालय प्रमुख बस्नेतले बताए ।


क्याटेगोरी : मुख्य समाचार, समाचार, स्थानीय, हेडलाईन

खत्री रेडियो बान्नीगढि एफ,एममा समाचार सम्पादकका रुपमा कार्यरत छन् । उनले समसामयिक बिषयमा कलम चलाउछन् ।

प्रतिक्रिया दिनुहोस