Techie IT

बर्दियामा मोटरसाइकल दुर्घटनामा परी श्रीमान् श्रीमतीको मृत्यु


सडक दुर्घटना परी श्रीमान् श्रीमतीको एकैचोटी ज्यान गएको छ । बर्दियाको हुलाकी सडक खण्ड नेपालगन्ज गुलरियामा पर्ने पचासामा सडक दुर्घटनामा परी श्रीमान् श्रीमतीको ज्यान गएको हो ।

नेपालगन्ज बाट गुलरियातर्फ जाँदै गरेको भे ३ प ७८७० को मोटरसाइकल र काठ लिएर विपरीत दिशाबाट जाँदै गरेको भे १ त ५०९९ को ट्याक्टर एक आपसमा ठक्कर खाँदा बर्दियाको पचासा वडा नं ७ निवासी ललिता रिमाल र अर्जुन रिमालको मृत्यु भएको हो ।

अर्जुन २५ वर्षका थिए भने उनकी श्रीमती २३ वर्षकी थिइन् । बर्दियाको बढैया ताल गाउँपालिका बडा नं ८ पचासा नजिक गए राति करिब ८ बजेतिर ट्याक्टर र मोटरसाइकल एक आपसमा ठोक्किँदा मोटरसाइकलमा सवार श्रीमान् र श्रीमतीकै ज्यान गएको जिल्ला ट्राफिक प्रहरी कार्यालयले जनाएको छ ।

दुर्घटनामा परी गम्भीर अवस्थामा रहेका रिमाल दम्पतीलाई उपचारको लागि नेपालगन्ज पठाइएको थियो । उपचारकै कर्ममा दुवैको ज्यान गएको जानकारी जिल्ला ट्राफिक प्रहरी बर्दियाले दिएको छ । ट्राफिक प्रहरीका अनुसार ट्याक्टर र चालक दुबैलाई प्रहरीले नियन्त्रणमा लिएको छ ।

काठ बोकेर तीव्र गतिमा आएको ट्याक्टरले ठक्कर दिँदा उक्त घटना भएको स्थानीयले बताए । प्रहरीले ट्याक्टर चालक नेपालगन्ज–३ का २६ वर्षीय इमान खानलाई पक्राउ गरिएको जनाएको छ ।


क्याटेगोरी : मुख्य समाचार, राष्ट्रिय, समाचार, हेडलाईन

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

प्रतिक्रिया दिनुहोस


error: Content is protected !!