नेपाल कम्युनिष्ट पार्टी नेकपा अछामको चौथो बैठक सदरमुकाम मंगलसैनमा सम्पन्न भएको छ ।
जिल्ला कमिटी अध्यक्ष शेरबहादुर कुँवरको अध्यक्षतामा भएको कार्यक्रमका प्रमुख अतिथि नेपाल कम्युनिष्ट पार्टी नेकपाका स्थायी कमिटी सदस्य तथा सुदूरपश्चिम प्रदेश इन्चार्ज डा.भीम रावल रहनुभएको थियो ।
नेता रावलले कार्यकर्ता गुटउपगुटमा नलागी पार्टी सङ्गठनलाई सुदृढ बनाउने अभियानमा लाग्ने निर्देशन दिनुभएको छ । उहाँले पार्टी एकताको लागि स्थानीय स्तरबाट दबाब दिनुपर्नेमा जोड दिनुभएको छ ।
यस्तै बैठकले जिल्ला कमिटी सदस्यमा प्रेस सङ्गठनका केन्द्रीय सदस्य राजेन्द्र कुँवर, प्रेस सङ्गठनका जिल्ला संयोजक नरेन्द्र रावललाई चयन गरेको छ ।
बैठकले सदस्यता नवीकरण गर्ने कार्यलाई निरन्तरता दिने, जनप्रतिनिधि र पार्टीबिच अन्तरक्रिया गर्ने, पार्टी नेतृत्वलाई एकताबद्धको लागि दबाब दिने लगायतका निर्णय गरेको कार्यालय सचिव नमराज न्यौपानेले जानकारी दिनुभएको छ ।
बैठकमा नेपाल कम्युनिष्ट पार्टीको केन्द्रीय सदस्य तथा अछाम जिल्ला इन्चार्ज तारामान स्वार ,केन्द्रीय सदस्य तथा अछाम जिल्ला सहसंयोजक शरद सिंह भण्डारी, नेकपा सुदूरपश्चिम प्रदेश कमिटी सदस्य गोविन्द कुँवर, लोकबहादुर वोहरा, बल बहादुर सोडारी, झंकर साउँद लगायतको सहभागिता रहेको थियो ।
बैठकको सञ्चालन पार्टी सचिव झपट साउदले गर्नुभएको थियो ।
क्याटेगोरी : मुख्य समाचार, राजनीति, समाचार, हेडलाईन
थप समाचार
धेरै पढिएका
ताजा अपडेट
- १ टर्की र सिरियामा भूकम्पका कारण ज्यान गुमाउनेको सङ्ख्या ११ हजार नाघ्यो
- २ हेल्मेटभित्र १८ लाख रुपैयाँ लुकाएर नेपाल आउँदै गरेका दुई भारतीय नागरिक पक्राउ
- ३ अछाम रेशम तिमिल्सैना हत्या प्रकरण : अभियुक्त शाही विरुद्ध जन्मकैदको फैसला
- ४ ढकारी गाउँपालिकामा चिउरी प्रसोधन केन्द्र संचालनमा
- ५ संसदीय दलको नेता चयनसँगै नयाँ सरकार गठनको कसरत, प्रधानमन्त्री बन्न देउवा र प्रचण्डको होड
- ६ अछामका १० स्थानीय तहका ४० मुद्धा अख्तियारमा
- ७ प्रतिनिधिसभाका २७४ सांसदको सपथ आज
- ८ घाँटीमा मासु अड्किएर दैलेखमा १ जनाकाे ज्यान गयाे
प्रतिक्रिया दिनुहोस