Techie IT

बान्नीगढी गाउँपालिकाका २ जनामा कोरोना सङ्क्रमण : को हुन उनीहरू


बान्नीगढी जयगढ गाउँपालिकाका २ जनामा कोरोना सङ्क्रमण पुष्टि भएको छ । कमलबजार नगरपालिकाको प्रयोगशालामा शनिवार गरिएको परीक्षणमा बान्नीगढी जयगढ गाउँपालिकाका २ जनामा कोरोना सङ्क्रमण पुष्टि भएको हो ।

सङ्क्रमण देखिएका दुवै जना पुरुष बान्नीगढी जयगढ गाउँपालिका वडा नम्बर ५ कालिकाका रहेको गाउँपालिका स्वास्थ्य शाखा प्रमुख तथा जनस्वास्थ्य निरीक्षक वसन्त रावलले बताउनुभयो ।

सङ्क्रमण देखिएका पुरुष मध्य १ जना केही दिन अघि भारतबाट आएका र अर्का पुरुष बान्नीगढी जयगढ गाउँपालिकामा कार्यरत कर्मचारी हुन् ।

भारतबाट केही दिन अघि फर्किएका पुरुष होम आइसोलेसनमा बस्दै रहेका थिए भने अर्का पुरुष गाउँपालिकाको नियमित कामकाजमा खटिँदै आएका थिए ।

बान्नीगढी जयगढ गाउँपालिकामा कार्यरत १ कर्मचारीमा साता दिन अघि कोरोना सङ्क्रमण पुष्टि भएपछि मङ्सिर ३ गते गाउँपालिकामा कार्यरत १९ जना कर्मचारीको स्वाब सङ्कलन गरिएको थियो । कर्मचारीसँगै भारतबाट फर्किएका र सङ्क्रमितको सम्पर्कमा आएका ५ जनाको स्वाब सङ्कलन गरिएकोमा २ जनामा कोरोना सङ्क्रमण देखिएको छ ।

सङ्क्रमण देखिएका दुवै जना होम आईसोलसनमा बसेका स्वास्थ्य शाखा प्रमुख तथा जनस्वास्थ्य निरीक्षक रावलले बताउनुभयो ।


क्याटेगोरी : मुख्य समाचार, समाचार, स्वास्थ्य, हेडलाईन

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

प्रतिक्रिया दिनुहोस