कर्मचारीमा कोरोना सङ्क्रमण : बान्नीगढी गाउँपालिका सिल नहुने
बान्नीगढी जयगढ गाउँपालिका सिल नहुने भएको छ ।
बान्नीगढी जयगढ गाउँपालिकामा शनिवार १ जना कर्मचारीमा कोरोना सङ्क्रमण देखिए पनि उनलाई होम आइसोलेसनमा राखी कार्यालय सञ्चालन हुने भएको हो ।
गाउँपालिकामा कार्यरत १ कर्मचारीमा कोरोना सङ्क्रमण देखिए पश्चात् पनि गाउँपालिका सेवा प्रवाहका लागी खुला नै रहने गाउँपालिकाका प्रमुख प्रशासकीय अधिकृत सैलेशराज ढुङ्गानाले बताउनुभयो ।
कार्यालयका कामकाज प्रभावित हुन नदिनका लागी सङ्क्रमण पुष्टि भएका कर्मचारीलाई होम आइसोलेसनमा राखी कार्यालय सञ्चालन हुने अधिकृत ढुङ्गानाले जानकारी दिनुभयो ।
शनिवार कमलबजार नगरपालिकाको प्रयोगशालामा गरिएको परीक्षणमा बान्नीगढी जयगढ गाउँपालिकाका २ जना पुरुषमा कोरोना सङ्क्रमण पुष्टि भएको थियो ।
सङ्क्रमण पुष्टि भएका २ जना पुरुष मध्य १ जना गाउँपालिकामा कार्यरत कर्मचारी हुन् ।
