Techie IT

मंगलसेन नगरपालिकाको नवनिर्मित भवनको उद्घाटन


मंगलसेन नगरपालिकाको नवनिर्मित भवनको उद्घाटन गरिएको छ ।

आइतबार एक कार्यक्रमको बिच नगर प्रमुख पदम बहादुर बोहराले भवनको उद्घाटन गर्नुभएको हो ।

भवनको निर्माण कार्य सम्पन्न भइसकेपछि एक कार्यक्रमको बिच उद्घाटन गरिएको नगरपालिकाका सूचना अधिकारी विष्णु प्रसाद जैसीले जानकारी दिनुभएको छ ।

भवनको उद्घाटन कार्य सम्पन्न भएपछि अब केही भित्र नगरपालिकाको नवनिर्मित भवन बाट सेवा प्रवाह गरिने नगरपालिकाका निमित्त प्रमुख प्रशासकीय अधिकृत खकेन्द्र बहादुर सोडारीले बताउनुभयो ।

भवन निर्माणका लागि ४ करोड ९३ लाखको स्टमेट गरिएको र ३ करोड ६९ लाखमा ४ तलाको अत्याधुनिक भवन रोयल कन्स्ट्रक्सन निर्माण सेवा धनगढीले भवन निर्माण गरेको नगरपालिकाका इन्जिनियर खम्म केसीले बताउनुभएको छ ।

यसअघि साबिकको मंगलसेन गाविसको पुरानो भवनबाट सेवा प्रवाह गरिरहेको नगरपालिकाले अब नवनिर्मित भवनबाट सेवा प्रवाह गर्ने भएपछि सेवाग्राही र सेवाप्रदायकलाइ सहज हुने भएको छ ।


क्याटेगोरी : मुख्य समाचार, समाचार, स्थानीय, हेडलाईन

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

प्रतिक्रिया दिनुहोस