Techie IT

अछाममा आईतवार थप १५ जनामा कोरोना पुष्टि


जिल्लामा आईतबार थप १५ जनामा कोरोना भाईरस कोभिड १९ को संक्रमण पुुुष्टि भएको छ ।

३ महिला र १२ पुरुष गरी १५ जनामा कोरोना भाईरस कोभिड १९ को संक्रमण पुष्टि भएको कमलबजार प्रयोगशालाले जनाएको छ ।

जिल्लाको तुर्माखाँद गाँउपालिकाका एक महिला र एक पुरुष, मंगलसेन नगरपालिकाका एक पुरुष, साँफेबगर नगरपालिकाका २ महिला र ३ पुरुषमा कोरोना भाईरसको संक्रमण पुष्टि भएको प्रयोगशालाका सुचना अधिकारी टेक बहादुर बिष्टले बताउनुभयो ।

सुचना अधिकारी बिष्टका अनुसार रामारोशन गाँउपालिकाका २ जना पुरुष र चौरपाटी गाँउपालिकाका ५ जना पुरुष समेत कोरोना पुष्टी भएको छ ।

आजसम्म कमलबजार पिसिआर प्रयोगशालाले २९ सय ८२ जनाको परिक्षण गरिएकोमा ४ सय ७१ जनामा कोरोनाको संक्रमण देखिएको छ ।


क्याटेगोरी : मुख्य समाचार, समाचार, स्थानीय, स्वास्थ्य, हेडलाईन

खत्री रेडियो बान्नीगढि एफ,एममा समाचार सम्पादकका रुपमा कार्यरत छन् । उनले समसामयिक बिषयमा कलम चलाउछन् ।

प्रतिक्रिया दिनुहोस