अछाममा बुधवार ठुलो सङ्ख्यामा कोरोना संक्रमित थपिएका छन् ।
जिल्लाको कमल बजार पिसीआर प्रयोगशालामा गरीको परीक्षणमा आज बुधबार २६ जनामा कोरोना संक्रमण पुष्टि भएको छ ।
पछिल्लो २४ घण्टामा ४७ जनाको नमुना परीक्षण गर्दा २६ जनामा कोरोना संक्रमण पुष्टि भएको कमल बजार प्रयोगशालाका सूचना अधिकारी टेकबहादुर विष्टले जानकारी दिनुभयो ।
आज कोरोना पुष्टि हुनेमा २४ जना पुरुष र २ जना महिला रहेका छन् । कमल बजार पिसीआर प्रयोगशालाका सूचना अधिकारी विष्टका अनुसार मंगलसेन नगरपालिकाका मात्रै १९ जनामा कोरोना पुष्टि भएको छ । नगरपालिकाका विभिन्न वडाका १९ जनामा संक्रमण पुष्टि भएको हो ।
मंगलसेन नगरपालिकाका २७, ५८, ३१, ३४, ३७, २१, ३८, ६१, ४२, ४३, २५, ३५, २८ ३६, ३०, ३६, २६, ६, २७ वर्षीय पुरुष र ४२ बर्षीया १ जना महिलामा कोरोना संक्रमण पुष्टी भएको हो । यस्तै कमल बजार नगरपालिकाका २९ बर्षीय १ पुरुष, चौरपाटी गाउँपालिकाका ३० वर्षका १ पुरुष, बान्दिगढी जयगढ गाउँपालिकाका २६ बर्षीया १ महिलामा संक्रमण पुष्टी भएको हो ।
कमल बजारकै प्रयोगशालामा गरिएको परीक्षणमा सुर्खेतको वीरेन्द्रनगर नगरपालिकाका ४१ र ५६ बषीय २ जना पुरुष, दैलेखको आठबिसकोट नगरपालिकाका ३९ बर्षीया १ पुरुष, कैलालीको घोडाघोडी नगरपालिकाका ३० बर्षीय १ जना पुरुषमा संक्रमण पुष्टी भएको सूचना अधिकारी विष्टले बताउनुभयो ।
कमल बजार पिसीआर परीक्षण प्रयोगशालामा ३२ सय ९१ जनामा कोरोना परीक्षण गर्दा हालसम्म ५१२ जनामा कोरोना संक्रमण पुष्टी भएको छ ।
यसैविच अछामको मँगलसेन नगरपालिकाका नगरप्रमुख पदम बहादुर बोहरालाई कोरोना संक्रमण पुष्टि भएको छ ।
जनताको सेवाका लागी अग्रपंतिमा रहेर काम गर्दै आउनु भएका नगर प्रमुख बोहरा लाई आज कोरोना संक्रमण पुष्टि भएको कमल बजार प्रयोगशालाका सूचना अधिकारी टेक बहादुर विष्टले जानकारी दिनुभयो ।
जनताको सेवामा खट्दै नगरका कामकाज हरुलाई प्रभावकारी र कोरोनाको सँक्रमण समुदाय स्तरमा फैलिन नदिन अहोरात्र खटिनु भएका नगरप्रमुख बोहराले आफूलाई केही असहज महसुस भएपछि यही मङ्सिर २५ गते कोरोना परीक्षणका लागी स्वाब पठाउनु भएको थियो ।
स्वाब पठाएको ७ दिनमा आफूलाई कोरोना सँक्रमण भएको रिपोर्ट आएको नगर प्रमुख बोहराले बताउनुभयो ।
उहाँले आफूलाई खान मन नलाग्ने, थकाई महसुस हुने लगायतका लक्षणहरू देखिएको पनि बताउनुभयो ।
आफूले स्वाब पठाएको दिन देखि सुरक्षित रुपमा होम आइसोलेसनमा बसिरहेको पनि उहाँले बताउनुभयो ।
यसैबिच नगरपालिकाका शिक्षा शाखा अधिकृत अम्बादत्त भट्टलाई पनि कोरोना सँक्रमण भएको प्रयोगशालाका सूचना अधिकारी बिष्टले जानकारी दिनुभयो ।
क्याटेगोरी : मुख्य समाचार, समाचार, समाज, स्थानीय, स्वास्थ्य, हेडलाईन
थप समाचार
धेरै पढिएका
ताजा अपडेट
- १ टर्की र सिरियामा भूकम्पका कारण ज्यान गुमाउनेको सङ्ख्या ११ हजार नाघ्यो
- २ हेल्मेटभित्र १८ लाख रुपैयाँ लुकाएर नेपाल आउँदै गरेका दुई भारतीय नागरिक पक्राउ
- ३ अछाम रेशम तिमिल्सैना हत्या प्रकरण : अभियुक्त शाही विरुद्ध जन्मकैदको फैसला
- ४ ढकारी गाउँपालिकामा चिउरी प्रसोधन केन्द्र संचालनमा
- ५ संसदीय दलको नेता चयनसँगै नयाँ सरकार गठनको कसरत, प्रधानमन्त्री बन्न देउवा र प्रचण्डको होड
- ६ अछामका १० स्थानीय तहका ४० मुद्धा अख्तियारमा
- ७ प्रतिनिधिसभाका २७४ सांसदको सपथ आज
- ८ घाँटीमा मासु अड्किएर दैलेखमा १ जनाकाे ज्यान गयाे
प्रतिक्रिया दिनुहोस