अछाम सहित सुदूरपश्चिममा थपिए यति कोरोना सङ्क्रमित
अछाममा आज थप ६ जनामा कोरोना भाइरसको सङ्क्रमण पुष्टि भएको छ ।
जिल्लाको कमलबजार नगरपालिकाको प्रयोगशालामा गरिएको परीक्षणका क्रममा विभिन्न स्थानीय तहका १ जना महिला र ५ जना पुरुष गरी थप ६ जना सङ्क्रमित थपिएका हुन ।
आज जिल्लाको मंगलसेन नगरपालिकाका २ जना पुरुष र १ जना महिलामा कोरोना सङ्क्रमण पुष्टि भएको छ ।
यसैबिच चौैरपाटि गाउँपालिकाका ३ जना पुरुषमा पनि सङ्क्रमण पुष्टि भएको छ । प्रयोगशालामा पछिल्लो २४ घण्टा यता जिल्लाका विभिन्न स्थानीय तहका गरी ५६ जनाको कोरोना परीक्षण गर्दा ५ जना सङ्क्रमित थपिएका हुन ।
कमलबजार प्रयोगशालामा अहिले सम्म ३ हजार ८ सय ९९ जनाको परीक्षण गरिएकोमा ५ सय ८२ जनामा कोरोना भाइरसको सङ्क्रमण पुष्टि भएको सूचना अधिकारी विष्टले जानकारी दिनुभयो ।
यसैबिच कैलालीका ४४ सहित थप ८५ जनामा कोरोना सङ्क्रमण
सेती प्रादेशिक अस्पतालमा गरिएको परीक्षणमा थप ८५ जनामा कोरोना भाइरसको सङ्क्रमण पुष्टि भएको छ ।
सेती प्रादेशिक अस्पताल प्रयोगशालामा ३ सय ५३ नमुना परीक्षण गर्दा थप ८५ जनामा सङ्क्रमण पुष्टि भएको हो ।
अस्पतालका सूचना अधिकारी दिलीपकुमार श्रेष्ठका अनुसार २६ महिला र ५९ पुरुषमा सङ्क्रमण पुष्टि भएको छ ।
आज धनगढी उप–महानगरपालिकाका थप १९ जनामा सङ्क्रमण देखिएको जानकारी दिनुभयो । कैलालीको गोदावरी नगरपालिकाका १६ जना, गौरीगंगा नगरपालिकाका ९ जनामा सङ्क्रमण पुष्टि भएको छ ।
उता कञ्चनपुरको भीमदत्त नगरपालिकाका २० जना, बेलौरीका १३ बेदकोट नगरपालिकाका ३ जना, शुक्लाफाँटाका नगरपालिकाका ४ जना र कञ्चनपुरको स्थानीय तह नखुलेका १ जनामा पनि सङ्क्रमण पुष्टि भएको सूचना अधिकारी श्रेष्ठले जानकारी दिनुभयो ।
