केपी ओलीको कदमप्रती खेद प्रकट गर्दै नेकपाको भेला कालिकामा सम्पन्न
नेपाल कम्युनिस्ट पार्टी नेकपाको भेला कालिकामा सम्पन्न भएको छ ।
नेकपा बान्नीगढी जयगढ गाउँपालिका वडा नम्बर ५ सङ्गठन कमिटीका अध्यक्ष जगत लुहारको अध्यक्षता तथा जिल्ला सचिवालय सदस्य जगत बहादुर रावलको प्रमुख आतिथ्य तामा भेला सम्पन्न भएको हो ।
कार्यक्रममा जिल्ला कमिटी सदस्य मदन भुल,जिल्ला सल्लाहकार समिति सदस्य तर्क रावल,लाल कामी,शिक्षक महासङ्घ बान्नीगढीका अध्यक्ष धिरेन्द्र बहादुर रावल,शिक्षक सङ्गठनका पालिका अध्यक्ष भगवती कुँवर लगायत अतिथि रहनु भएको थियो ।
भेलाबाट नेकपा भित्र देखिएको विवादका सन्दर्भमा वडा तहमा कुनै पनि प्रभाव पर्न नदिने गरी पार्टी सङ्गठनको पक्षमा काम गर्दै अगाडी बढ्ने निर्णय गरिएको छ ।
भेलामा सहभागी नेता तथा कार्यकर्ताले पार्टी अध्यक्ष तथा प्रधानमन्त्री केपी शर्मा ओलीले चालेका कदमप्रति खेद प्रकट गर्दै संसद् पुनः स्थापना गर्नुपर्नेमा जोड दिएका छन् ।
साथै कार्यक्रमका सहभागीले बाम पन्थी एकतालाई थप मजबुन बनाउँदै नेकपाको सङ्गठनमा एकबद्ध भएर लागी पर्ने प्रतिबद्धता जनाएका छन् ।
कार्यक्रमको सञ्चालन वडा सङ्गठन कमिटीका सचिव हिरेण्ड साउँदले गर्नु भएको थियो ।
