अछाममा एकै दिन १ सय ५३ जनाले कोरोना जिते

धनराज साउँद २०७७ पुस १३, सोमबार १७:४७

एकेन्द्र खत्री
अछाममा सोमबार १ सय ५३ जनाले कोरोना जितेका छन् ।

कोरोना सङ्क्रमण भएर होम आइसोलेसन तथा अस्पतालमा उपचाररत जिल्लाका विभिन्न स्थानीय तहका गरी १ सय ५३ जनाले कोरोना जितेका हुन ।

जिल्लामा अब कोरोनाका सक्रिय सङ्क्रमितको सङ्ख्या १ सय ३८ जनामा झरेको छ ।

अछाममा हालसम्म १६ सय ४४ जनामा कोरोना सङ्क्रमण पुष्टि भएकोमा १५ सय १ जान कोरोना सङ्क्रमित स्वस्थ भएर घर फर्की सकेका छन् । भने सक्रिय सङ्क्रमित १३८ जना होम आइसोलेसनमा उपचाररत रहेका छन् ।

अछाममा ५ जनाको कोरोनाकै कारण ज्यान गैसकको छ ।

यसैविच जिल्लामा आज थप १ जनामा कोरोना सङ्क्रमण पुष्टि भएको छ ।

कमलबजार नगरपालिकाको प्रयोगशालामा गरिएको परीक्षणका क्रममा १ जना पुरुषमा सङ्क्रमण पुष्टि भएको हो ।

पछिल्लो २४ घण्टामा ८४ जनाको कोरोना परीक्षण गरिएकोमा १ जनामा सङ्क्रमण पुष्टि भएको कमल बजार प्रयोगशालाका सूचना अधिकारी टेक बहादुर विष्टले जानकारी दिनुभयो ।

आज थपिने साँफेबगर नगरपालिकाका ४८ वर्षका १ जना पुरुष हुन ।

कमलबजार प्रयोगशालामा अहिले सम्म ४ हजार २ सय १९ जनाको परीक्षण गरिएकोमा ६ सय ५ जनामा कोरोना भाइरसको सङ्क्रमण पुष्टि भएको सूचना अधिकारी विष्टले जानकारी दिनुभयो ।

क्याटेगोरी : मुख्य समाचार, समाचार, समाज, स्थानीय, स्वास्थ्य, हेडलाईन