एमयूमा प्रहरी र विद्यार्थीबीच झडप, तीन जना घाइते

धनराज साउँद २०७७ पुस २६, आईतबार २१:४५

मध्य पश्चिमाञ्चल विश्वविद्यालय (एमयू)मा प्रहरी र विद्यार्थीबिच झडप हुँदा तीन जना विद्यार्थी घाइते भएका छन् ।

परीक्षाका विषयमा विश्वविद्यालयका उपकुलपति नन्दबहादुर सिंहसँग विद्यार्थीको छलफलका क्रममा विवाद हुँदा स्थिति नियन्त्रणमा लिँदा प्रहरीले अश्रु ग्याँस प्रहार गरेको थियो ।

झडपमा स्ववियु सदस्य तथा नेविसंघका नेता रोशन बस्नेत, विद्यार्थी तर्कराज शाही र लक्ष्मण बोगटी लाई गोली लागेर घाइते भएको जिल्ला प्रहरी कार्यालय सुर्खेतले जनाएको छ ।

उपकुलपतिसँग विवाद बढेपछि स्थिति नियन्त्रणमा लिन हवाई फायर गरिएको बताइएको छ । घाइतेहरूको स्थानीय माया नर्सिङ होममा उपचार भैरहेकाे छ ।

प्रहरी कार्यालयले दिएको जानकारी अनुसार विद्यालयका उपकुलपति सिंहलाई ज्ञापन पत्र बुझाउन विद्यार्थी कार्यालय पुगेका थिए । उपकुलपति सिंहले ज्ञापन पत्र बुझ्न नमानेपछि विद्यार्थीले उपकुलपतिसँग विवाद गरेका हुन् ।

उपकुलपति कार्यालयबाट निस्किने क्रममा विद्यार्थीले ढुंगामुढा गर्न थालेपछि तनाव सिर्जना भएको सुर्खेत प्रहरीका डिएसपी रामप्रसाद घर्तीले बताए ।

दुल्लु खवरबाट

क्याटेगोरी : मुख्य समाचार, राजनीति, समाचार, स्थानीय, हेडलाईन

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।