अछाममा क्वारेन्टाइन बनाईएका विद्यालयहरु अझै मर्मत भएनन् (रिपोर्ट सहित)

एकेन्द्र खत्री २०७७ माघ ४, आईतबार १७:४९

लकडाउनका समयमा क्वारेन्टाईन तथा आइसोलेशन बनाएका अछामका विद्यालयहरुमा पठन पाठनमा समस्या भएको छ ।

कोरोना भाइरसको महामारीपछि अहिले विद्यालयहरु खुलेका छन् तर लकडाउनका समयमा क्वारेन्टाइन तथा आइसोलेशन केन्द्र बनाईएका विद्यालयहरुको मर्मत भने भएको छैन ।

क्वारेन्टाइन बनाईएका विद्यालयको सरसफाइ तथा मर्मत नहुँदा पठन पाठनमा समस्या भएको हो ।

अछामा ३ सय ९० ओटा आधारभुत विद्यालय र ९५ ओटा माध्यामि विद्यालय गरी जम्मा ४ सय ८५ ओटा बिद्यालय रहेका छन ।

लकडाउनका समयमा जिल्लामा २ सय २८ ओटा क्वारेन्टाईन निर्माण गरिएका थिए, जस मध्य २ सय २१ ओटा विद्यालयहरुमा क्वारेन्टाईन निर्माण भएका थिए ।

क्वारेन्टाइन पछी ९ ओटा विद्यालयलाई बिभिन्न स्थानीय सरकारले आइशोलेसन केन्द्रको रुपमा पनि रुपमा स्थापना गरेको जिल्ला स्वासथ्य कार्यालय अछामको तथ्यांकले जनाएको छ ।

ढकारी गाउँपालिका गुरुकुल माध्यामिक विद्यालयलाइ पनि लकडाउनको समयमा क्वारेन्टाइन बनाइएको थियो ।

विद्यालयमा झण्डै ४ महिनासम्म २ सय ६५ मानिसहरु क्वारेन्टाइनमा बसेका थिए ।

अहिले विद्यालयको डेस्क, बेन्च देखि झ्याल ढोका सम्ममा क्षति पुगेको कक्षा ९ मा पढ्ने भुपेन्द्र बुढाले बताउनुभयो ।

क्वारेन्टाइन र आइसोलेसन बनाईएका विद्यालयहरुको सरसफाइ र मर्मतमा भने स्थानीय सरकारले ध्यान दिएका छैनन् ।

जसले गर्दा पढाइमा नै प्रभाब परेको विद्यार्थी नन्दकला बुढाको भनाई छ । अछाममा लकडाउन अघि अछामका ३ सय ९० आधाभुत तहका विद्यालयमा कार्पेटको व्यवस्था थियो ।

तर अहिले ति कार्पेटहरु हराइसकेका विद्यालय प्रसासनले जनाएको छ । विद्यालयका अन्य सामानसंगै विद्युतिय सामग्री पनि नष्ट हुँदा पढाइ प्रभावकारी नभएको ढकारीको गुरुकुल माध्यामिक विद्यालयका प्रधानाध्यापक भिम बहादुर शाहीको भनाई छ ।

उहाँका अनुसार गाउँपालिकासंग मर्मत सम्भार गर्न आग्रह गर्दा पनि गाउँपालिकाले कुनै चासो दिएको छैन ।

जिल्लामा क्वारेन्टाइन बनाईएका विद्यालयको सरसफाइ तथा मर्मत नहुँदा पठन पाठनमा समस्या भेरहेका बेला जिल्ला समन्वय समितिका प्रमुख नर बहादुर कुंवरले अहिले सवै स्थानीय तहका विद्यालयहरुमा अनुगमन भैरहेको र क्षति भए अनुसार मर्मत गर्ने तयारी रहेको बताउनुभयो ।

लामो समयपछि नियमित विद्यालय पुगेका विद्यार्थीहरु विद्यालयको अवस्थाका कारण पढ्नमा असहजता भएको बताउँछन् ।

तेसैले सवै स्थानिय तहहरुले विग्रीएका र भत्कीएका विद्यालयका भौतिक संरचना मर्मत गरेर पठन पाठनलाई प्रभावकारी बनाउन आवश्यक छ ।

एकेन्द्र खत्रीको रिपोर्ट