Techie IT

अछाममा तिन दिनको अबधिमा ७ सय ९ जनाले कोरोना खोप लगाए


अछाममा तिन दिनको अबधिमा ७ सय ९ जनाले कोरोना भाईरस कोभिड १९ बिरुद्धको खोप लगाएका छन् ।

पहिलो दिन जिल्ला अस्पताल, स्वास्थ्य कार्यालय, बयालपाटा अस्पताल र मंगलसेन नगरपालिका अन्र्तगतका स्वास्थ्यकर्मी र महिला स्वास्थ्य स्वयंसेविकाहरू गरेर २ सय ३६ जनालाई खोप लगाईएको थियो ।

जसमा ९९ जना स्वास्थ्यकर्मी मात्र रहेको र अन्य १ सय ३७ जना स्वास्थ्यसंग सम्बन्धीत अन्य कर्मचारी रहेका प्रमुख ढुंगानाले जानकारी दिनुभयो । सफाईसंग सम्बन्धीत ५६ जना, महिला स्वास्थ्य स्वयमसेविका ७५ जना, एम्बुलेन्स डाईभर ३ जना र १ जना सुरक्षाकर्मीले पहिलो दिन खोप लगाए थिए ।

यस्तै दोस्रो दिन स्वास्थ्यकर्मी, सफाई कर्मचारी, एम्बुलेन्स चालक र महिला स्वास्थ्य स्वयंसेविकाहरू गरेर २ सय जनालाई खोप लगाईएको स्वास्थ्य कार्यालय अछामले जनाएको छ ।

दोस्रो दिन ५६ जना पुरुष र १ सय ४४ जना महिला गरी २ जनालाई कोभिड १९ बिरुद्धको खोप लगाईएको थियो ।

जसमा ६६ जना स्वास्थ्यकर्मी, १ सय १० जना महिला स्वास्थ्य स्वयम सेविका, स्वास्थ्य संग सम्बन्धीत कर्मचारी २१ जना, सफाई कर्मचारी २ जना र १ जना एम्बुलेन्स चालक रहेका थिए ।

आज तेस्रो दिन पनि स्वास्थ्यकर्मीहरु र अन्य यससंग सम्बन्धी व्यक्तीहरुलाई खोप लगाईएको छ । अछाम जिल्लामा स्वास्थ्यकर्मी, सफाई कर्मचारी, एम्बुलेन्स चालक र महिला स्वास्थ्य स्वयंसेविकाहरू गरेर २ सय ७३ जनालाई खोप लगाईएको स्वास्थ्य कार्यालय अछामका प्रमुख झनक ढुंगानाले बताउनुभयो ।

उहाँका अनुसार ५८ जना पुरुष र २ सय १५ जना महिला गरी २ सय ७३ जनाले कोभिड १९ बिरुद्धको खोप लगाएका छन ।

जसमा ८२ जना स्वास्थ्यकर्मी, १ सय ५९ जना महिला स्वास्थ्य स्वयम सेविका, स्वास्थ्य संग सम्बन्धीत कर्मचारी २६ जना, सफाई कर्मचारी ५ जना र १ जना एम्बुलेन्स चालक रहेका छन् ।


क्याटेगोरी : मुख्य समाचार, समाचार, समाज, स्थानीय, स्वास्थ्य, हेडलाईन

खत्री रेडियो बान्नीगढि एफ,एममा समाचार सम्पादकका रुपमा कार्यरत छन् । उनले समसामयिक बिषयमा कलम चलाउछन् ।

प्रतिक्रिया दिनुहोस