अछाममा छाउगोठ भत्काउने दोस्रो चरणको अभियान प्रभावकारी बन्दै गएको छ । पहिलो चरणमा भत्काइएका छाउगोठ स्थानीयले पुनःबनाएर गोठमै बस्न थालेपछि जिल्ला प्रसाशन कार्यालय र जिल्ला प्रहरी कार्यालयको समन्वयमा मंसिर ४ गतेबाट जिल्लामा सुरु भएको अभियानमा अहिले स्थानीयहरू पनि सकारात्मक बनेका छन् ।
अभियानको दोस्रो चरणमा अहिलेसम्म ७७४ वटा छाउगोठ भत्काइएका छन् । छाउगोठमा बसेर किशोरी तथा महिलाहरूको जीवन नै खतरामा पर्न थालेपछि प्रहरी र स्थानीय सरकारको अगुवाइमा छाउगोठ भत्काउने अभियान सुरु गरिएका बान्निगढी जयगढ गाउँपालिका–३ का वडाध्यक्ष कुलबहादुर शेट्ठीले जानकारी दिनुभयो ।
जिल्लामा अन्य सरकारी तथा गैरसरकारी निकायहरूले पनि अहिले महिला तथा किशोरीहरूलाई मर्यादित महिनावारीका बारेमा जानकारी गराउने गरेका छन् ।
जिल्ला प्रहरी कार्यालय अछामका निमित्त कार्यालय प्रमुख तथा प्रहरी निरीक्षक गंगादत्त बढुकाअनुसार दोस्रो चरणको छाउगोठ भत्काउने अभियान सञ्चालन गर्दा एउटा घरमा दुई वटासम्म छाउगोठ बनाएको पाइएका थिए ।
अहिले प्रहरीको गस्ती टोली गाउँगाउँमा गएर छाउगोठ भत्काउने काम गरिरहेको छ । छाउगोठमा बस्नु वा बस्न बाध्य पार्नुलाई कानुनले अपराध मानेको छ । यदि कोही छाउगोठमा बसे वा बस्न जर्वजस्ती पारे तीन महिनासम्म जेल, तीन हजार रुपैंया जरिवाना वा दुवै हुन सक्ने व्यवस्था कानुनमा छ ।
क्याटेगोरी : मुख्य समाचार, समाचार, समाज, स्थानीय, हेडलाईन
थप समाचार
धेरै पढिएका
ताजा अपडेट
- १ निर्वाचन आयोगको निर्णय रोक्न महन्थ ठाकुर सर्वोच्चमा
- २ तेस्रो तथा अन्तिम एक दिवसीय क्रिकेटमा भारतमाथि श्रीलङ्काको जित
- ३ महाराष्ट्रमा बाढी र पहिरोमा परि ज्यान गुमाउनेको सङ्ख्या १ सय २९ पुग्यो
- ४ ३०३ वर्ष पुरानो विद्यालय जहाँ बालागुरु षडानन्द पढेका थिए…
- ५ टोकियाे ओलम्पिकमा आजदेखि नेपालका खेल सुरु हुँदै
- ६ आज र भाेलि ठूलो पानी पर्ने सम्भावना कम
- ७ पूर्व पदाधिकारीले नै पाएनन् क्रियाशील सदस्यता, कांग्रेसमा डनतन्त्र हावी
- ८ आज गुरु पूर्णिमा पर्व मनाइँदै
प्रतिक्रिया दिनुहोस