Techie IT

१५ शैयाको अस्पताल भालुमारेमा निर्माण गर्न स्थानिय अग्रसर


बान्नीगढि जयगढ गाउँपालिकामा निर्माण हुने १५ शैयाको अस्पताल भालुमारेमा निर्माण गर्न स्थानीय अग्रसर भएका छन् ।

गाउँपालिकाको वडा नम्वर ५ कालिकाको भालुमारेमा निर्माण गर्ने तयारी गरिएको अस्पताल निर्माणका लागी स्थानिय अग्रसर भएका हुन् ।

यसै बिच बिहिवार अस्पताल निर्माणका लागी भालुमारेमा निशुल्क उपलव्ध गराईएको प्रस्तावित अस्पताल जग्गामा बाटो निर्माण कार्य आरम्भ गरिएको छ ।

अस्पताल निर्माणका लागी दान दिईएको जग्गामा मुल बाटो देखी निर्माण स्थल सम्मको बाटो निर्माण गरिएको हो ।

बान्नीगढि जयगढ गाउँपालिकाको गाउ सभा र गाउँ कार्यपालिका बैठकले १५ शैयाको अस्पताल वडा नम्वर ५ कालिकाको भालुमारेमा निर्माण गर्ने निर्णय यस अघि नै पारित गरिसकेको थियो ।

गाउँ कार्यपालिकाको बैठकको निर्णय र गाउँ सभाबाट पारित निर्णय अनुरुप स्थानिय भालुमारेमा अस्पताल निर्माण गर्न सहयोगका लागी अग्रसर देखिएका छन् ।

बिहिवार कालिकाका वडा अध्यक्ष लाल कामी र दर्नाका वडा अध्यक्ष कृष्ण बहादुर कडायत लगायत स्थानीय अगुवाको उपस्थितिमा अस्पताल निर्माणका लागी सडक निर्माण गरिएको हो ।

अस्पताल निर्माणका लागी कालिकाका स्थानीयले १३ रोपनी जग्गा निशुल्क उपलव्ध गराउने प्रतिवद्दता सहित आवश्यक प्रकृया यस अघि नै अगाडी बढाईसकेका छन् ।


क्याटेगोरी : मुख्य समाचार, समाचार, समाज, स्थानीय, स्वास्थ्य, हेडलाईन

खत्री रेडियो बान्नीगढि एफ,एममा समाचार सम्पादकका रुपमा कार्यरत छन् । उनले समसामयिक बिषयमा कलम चलाउछन् ।

प्रतिक्रिया दिनुहोस