अछाममा बेपत्ता बालकको शव फेला
आइतबार देखि बेपत्ता भएका अछामको साँफेबगर नगरपालिकाका वडा नम्बर १० का ४ वर्षीय बालक विवेक भाटको शव फेला परेको छ ।
घरबाहिर आँगनमा खेल्न निस्केका स्थानीय मिलन भाटका छोरा विवेक भाटको घर देखी पर भिरमा शव फेला परेको हो ।
उनको खोजी गर्ने क्रममा सोमबार दिउसो शव फेला परेको जिल्ला प्रहरी कार्यालय अछामका सूचना अधिकारी तथा प्रहरी इन्स्पेक्टर जनक बहादुर बोहराले बान्निगढी टुडेलाई जानकारी दिनुभयो
अहिले पनि प्रहरीको टोली घटना स्थलमै रहेको र भोलि बालकको शवको पोस्टमार्टम गरिने घटना स्थलमा रहनुभएका इलाका प्रहरी कार्यालय साँफेबगरका इन्चार्ज सुरेन्द्र जोशीले बताउनु भयो ।
घटना के कति कारणले भएको हो भन्ने बारेमा थप अनुसन्धान भइरहेको छ ।
