Techie IT

बयालपाटा अस्पतालमा गोडा फर्केको (क्लब फुट) उपचार यसरी गरिन्छ (कुराकानी सहित )


अछाम लगायत यस क्षेत्रमा पछिल्लो समय गोडा फर्केको (क्लब फुट) बच्चा जन्मिने समस्या देखिएको छ ।

बयालपाटा अस्पतालका मेडिकल सर्जिकल निर्देशक डाक्टर मन्दिप पाठकका अनुसार अछाम लगायत यस क्षेत्रका पहाडी जिल्लामा  गोडा फर्केको (क्लब फुट)  शिशु जन्मिने क्रम बढी देखिएको हो ।

बयालपाटा अस्पतालमा गत वर्ष १ दर्जन शिशुको गोडा फर्किएको समस्याको उपचार गरिएको छ ।

डाक्टर पाठकका अनुसार सानो क्षेत्रमा १ वर्षको अवधिमा आधा दर्जन बढी शिशुमा यो समस्या देखिनु सामान्य होइन । हाल पनि बयालपाटा अस्पतालमा ३ जना शिशुको गोडा फर्किएको उपचार भइरहेको छ ।

गोडा फर्किएको शिशु जन्मिने समस्या ठ्याक्कै यही कारणले हुन्छ भन्न नसकिने भए पनि गर्भवती अवस्थामा पहिलो ३ महिनाको अवधिमा फोलिक एसिड नामक औषधीको नियमित सेवन नगर्नाले पनि यो समस्या देखिने सम्भावना रहन्छ ।

नवजात शिशुको खुट्टा बाङ्गो हुने समस्यालाई गोडा फर्केको अर्थात् क्लब फुट भनिन्छ ।

यदि नवजात शिशुमा गोडा फर्केको समस्या देखिएमा जन्मेको १ हप्ता भित्र अस्पतालमा सम्पर्क गरी स्वास्थ्यकर्मीको परामर्श अनुसार उपचार सुरु गरिए प्रभावकारी हुने डाक्टर मन्दिप पाठकले बताउनुभयो ।

यसै बिच आज हामीले बयालपाटा अस्पतालमा गोडा फर्केको शिशुको उपचारका विषयमा बयालपाटा अस्पतालका मेडिकल सर्जिकल निर्देशक डाक्टर मन्दीप पाठकसँग कुराकानी गरेका छौ । सुनौ यो कुराकानी …..

Radio bannigadhi · कुराकानी : डाक्टर मन्दीप पाठक

क्याटेगोरी : मुख्य समाचार, समाचार, स्थानीय, स्वास्थ्य, हेडलाईन

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

प्रतिक्रिया दिनुहोस


error: Content is protected !!