कोरोनाले स्वास्थ्य अवस्था गम्भीर भएपछि सांसद कुँवरलाई काठमाडौं लगियो

धनराज साउँद २०७७ फागुन १८, मंगलबार १६:३२

सुदुरपश्चिम प्रदेश सभा सदस्य हर्क बहादुर कुँवर (गोविन्द)को स्वास्थ्यमा जटिल समस्या देखिएपछि काठमाण्डौं रेफर गरिएको छ।

अछाम जिल्लाको साँफे नगरपालिका ९ का स्थानीय समेत रहेका ६६ वर्षीय सांसद कुँवरलाई थप उपचारको लागि सिम्रिक एयरको हेलिकप्टरमार्फत काठमाण्डौं रेफर गरिएको हो। उनको ग्राण्डी अस्पतालमा उपचार हुने बताइएको छ।

सेती प्रादेशिक अस्पताल धनगढीका सूचना अधिकारी दिलिप श्रेष्ठका अनुसार फागुन १४ गते पीसीआर जाँच गर्दा उनमा कोरोना पोजिटिभ देखिएको थियो ।

उनी होम आइसोलेसनमा बसेका थिए। तर स्वासप्रश्वासमामा समस्या देखिएपछि रेफर गरिएको सूचना अधिकारी श्रेष्ठले जानकारी दिए।

कुँवर सुदुरपश्चिम प्रदेश सभा अन्तरगतको अर्थ विकास तथा प्राकृतिक स्रोत समितिका सभापति समेत हुन् ।

दिनेश खवरबाट…

क्याटेगोरी : मुख्य समाचार, समाचार, हेडलाईन

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।