अछाममा घरेलु मदिराको अवैध बेचबिखन बढ्यो (रिपोर्ट सहित)

कोरोना कहर पछि अछाममा घरेलु मदिराको अवैध बेचबिखन बढेको छ ।

जसले गर्दा विद्यार्थीको पठनपाठन देखि सामाजिक कामहरूमा पनि प्रभाव परिरहेका छ ।

जिल्ला प्रहरी कार्यालय अछामले चालु आर्थिक वर्षमा अहिले सम्म घरेलु मदिरा ७ हजार ५ सय ३४ लिटर, कच्चा पदार्थ पास १६ हजार ७ सय ८५ लिटर, मदिरा बनाउन प्रयोग हुने  औषधी १ सय ६५ केजी र न्यून गुणस्तर मदिरा ५ हजार ७ सय ४० लिटर बरामद गरी नष्ट गरेको छ ।

अघिल्लो आर्थिक वर्षको यही अवधिमा घरेलु मदिरा ५ हजार २ सय ६८ लिटर, कच्चा पदार्थ पास ६ हजार ३ सय ५५ लिटर र न्युनगुणसतरको मदिरा ७ सय ४८ पेटी गरी  १० हजार लिटर मदिरा नष्ट भएको थियो ।

बेरोजगारीको समस्याले मदिरा बनाउने र खाने दर बढेको देखिएको जिल्ला प्रहरी कार्यालय अछामका निमित्त कार्यालय प्रमुख गङ्गादत्त बढुले बताउनुभयो । रोजगारी गुमाएर १७ हजार मानिस भारत लगायत अन्य मुलुकबाट अछाममा फर्किएका छन् ।

गाउँ फर्किनेहरू सबै जसो पुरुष भएकाले मदिराको अब्यावस्थित बिक्री तथा सेवन बढेको छ ।

मदिराको जथाभाबी बेचबिखन र सेवनमा रोक लगाइएको त्यसलाई कार्यान्वयनमा लैजान नसकिएको जनप्रतिनिधि बत्ताउँछन् ।

यसै विषयमा सहकर्मी एकेन्द्र खत्रीले एक रिपोर्ट तयार पार्नुभएको छ । सुनौँ यो रिपोर्ट ।
रिपोर्ट ः मदिरा

एकेन्द्र खत्री

खत्री रेडियो बान्नीगढि एफ,एममा समाचार सम्पादकका रुपमा कार्यरत छन् । उनले समसामयिक बिषयमा कलम चलाउछन् ।

Leave a Reply

Your email address will not be published. Required fields are marked *

Back to top button
error: Content is protected !!
Close
Close

Adblock Detected

Please consider supporting us by disabling your ad blocker